वैदिक ज्योतिषशास्त्रले शुक्रलाई अनुकूल ग्रह मानेको छ। यो ग्रहले अधिकांश मानिसहरूलाई सकारात्मक परिणाम दिन्छ। शुक्रको कृपाले मात्र मानिसले सबै प्रकारका कला, सुख, सौन्दर्य, प्रेम, कीर्ति, सुख आदि प्राप्त गर्न सक्छन्। भौतिक र सांसारिक सुखको कारक शुक्र पर्सी असोज ८ गते मित्र ग्रह बुधको राशि कन्या राशिमा प्रवेश गर्नेछ। शुक्र आफ्नो राशि तुला राशिमा गोचर गर्नु अघि कार्तिक १ सम्म यही स्थितिमा रहनेछ। शुक्र ग्रहको राशि परिवर्तनले केही राशिका मानिसमा प्रतिकूल प्रभाव पर्ने सम्भावना रहन्छ, यसबारे जानौं–
मेष राशि
यस अवधिमा शुक्र तपाईंको राशिबाट छैठौं घरमा प्रवेश गर्नेछ। त्यसैले सुरुदेखि नै सावधानी अपनाउनुपर्छ। यस अवधिमा विपक्षीहरू सक्रिय रहने भएकाले उनीहरूबाट सावधान रहनु उत्तम हुनेछ। अर्कोतर्फ, साझेदारीमा व्यापार गर्ने व्यक्तिहरू धेरै कारणले आफ्नो पार्टनरसँग असहमत हुन सक्छन्। त्यसैले यस समयमा कुनै पनि व्यवसाय सम्बन्धि निर्णय लिँदा तपाईंले अझ सावधानीपूर्वक अगाडि बढ्नु पर्छ। साथै, यो समय स्वास्थ्यको लागि धेरै प्रतिकूल हुन सक्छ।
कन्या राशि
शुक्र ग्रहको यो गोचर तपाईंका लागि धेरै महत्त्वपूर्ण हुनेछ। यस समयमा शुक्र तपाईंको आरोही घरमा अवस्थित हुनेछ। यस अवस्थामा, तपाईंको ध्यान विलासिता र सन्तुष्टिमा बढी हुनेछ। यस अवधिमा आफ्नो कमाइभन्दा बढी पैसा खर्च गर्छन्, जसका कारण आर्थिक संकटको सामना गर्नुपर्ने हुन सक्छ।
मकर राशि
यस अवधिमा शुक्र तपाईंको नवौं घरमा गोचर हुनेछ। यस समयमा तपाईंका शत्रु तपाईं माथि हावी रहन सक्छन्, यस्तोमा ध्यान दिन आवश्यक रहेको छ। सामाजिक क्षेत्रमा तपाईंको मान-प्रतिष्ठामा धेरै नोक्सान पुर्याउन सक्छ। स्वास्थ्यको मामिलामा तपाईंको मन चिन्तित र अशान्त रहन सक्छ।
मीन राशि
यस समयमा शुक्र तपाईंको राशिको सातौं घरमा गोचर हुनेछ। त्यसैले यो समयमा केही सावधानी अपनाउन आवश्यक हुन्छ। जीवनसाथीसँग तपाईंको मनमुटाव बढ्न सक्छ। यस समयमा प्रत्येक महत्त्वपूर्ण निर्णय लिँदा तपाईले थप सतर्कता अपनाउनुपर्नेछ। यस समयमा शुक्रले तपाईंका लागि केहि स्वास्थ्य सम्बन्धि समस्याहरू निम्त्याउन सक्छ। यस्तो अवस्थामा आफ्नो स्वास्थ्यको विशेष ख्याल राख्नुपर्छ।
