धार्मिक मान्यता अनुसार हरेक दिन कुनै न कुनै भगवानको नाममा समर्पित छ आज आइतबार हो। आजको दिन ग्रहहरूका राजा सूर्य भगवानको नाममा समर्पित छ। आइतबार ब्रह्म मुहूर्तमा उठेर सूर्यदेवलाई अर्घ्य दिनु शुभ मानिन्छ तर आइतबार बिहान सबेरै उठेर सूर्यदेवलाई जल अर्पण गरेमा विशेष शुभ फल प्राप्त हुन्छ।
ज्योतिषीहरुका अनुसार आइतबारको दिन सूर्य भगवानलाई जल अर्पण गर्नुका साथै अन्य ३ उपाय अपनाएमा जीवनमा सुख–समृद्धि आउन समय लाग्दैन र धन–सम्पत्ति स्वतः आकर्षित हुनेछ।
पिपलको रुखमुनि दियो बाल्नुहोस्
भाग्य जगाउन चाहनुहुन्छ भने आइतबार पिपलको रुखमुनि पिठोको चारमुखी दियो बाल्नुहोस्। त्यो दियोमा तोरीको तेल भर्नुपर्छ। यसो गर्नाले शुभ फल मिल्छ। यसको साथै एउटा ठूलो बरको रुखमा जानुहोस् र त्यहाँबाट बरको रुखको पात ल्याउनुहोस् र त्यसमा आफ्नो इच्छा लेख्नुहोस्। त्यसपछि त्यो पातलाई पानीमा बगाउनुहोस् सबै मनोकामना पूरा हुनेछ।
आइतबार कुचो किन्नुहोस्
शास्त्रमा आइतबारको दिन कुचो किन्नु शुभ मानिन्छ। आइतवार ३ वटा कुचो किनेर घर ल्याउनुहोस्। अर्को दिन, सोमबार, ती तीनवटा कुचो किनेर आफ्नो नजिकको मन्दिरमा दान गर्नुहोस्। भनिन्छ यो उपायले मानिसको भाग्य उज्यालो हुन्छ। यस उपायले जीवनमा सवारी साधनको विलासिता र सम्पत्ति आउँछन्।
ज्योतिषीहरुका अनुसार जीवनमा धन–समृद्धि प्राप्त गर्न आइतबारको दिन दूधको उपाय गर्नुपर्छ। यसका लागि आइतबार दिउँसो सूर्यदेवको पूजा गरी उहाँका मन्त्रहरूको जप गर्नुहोस्। राति एक गिलास दूध सिरानीको छेउमा राखेर सुत्नुहोस्। भोलिपल्ट अर्थात् सोमबार बिहान उठ्ने बित्तिकै त्यो दूध बबुलको रुखको जरामा हाल्नु पर्छ। यसो गर्नाले घरमा धनको आगमन छिटो हुने विश्वास रहेको छ।
