हान् अर्थशास्त्री, कूटनीतिज्ञ र राजनीतिज्ञ आचार्य चाणक्यका नीतिहरू आजको समयमा पनि सान्दर्भिक छन्। चाणक्यले आफ्नो नीतिमा दुःख, अपमान, हानिबाट बच्न धेरै महत्त्वपूर्ण कुराहरू बताउनुभएको छ जसको पालना गरेर सफल, सम्मानजनक जीवन जिउन सकिन्छ। चाणक्य नीतिमा महिला र पुरुषका लागि पनि केही विशेष नीतिहरू बताइएका छन्, जसको पालना नगर्दा समस्यामा पर्न सक्छ । चाणक्य नीतिमा पुरुषहरूलाई आफ्ना केही कुरा सधैँ कुरा गोप्य राख्न भनिएको छ। अन्यथा, जब यी कुराहरू खुलाएमा इज्जत गुमाउनेछन् र जीवनभर टाउको उठाएर बाँच्न सकिने छैनन्।
यदि श्रीमतीसँग कुनै विवाद छ वा दुवैको कुनै व्यक्तिगत मामिला छ भने यी कुराहरू आफ्नो नजिकको साथीलाई पनि नभन्नुहोस्। आफ्नी श्रीमती र आफू बिचको कुरा अरुलाई भन्नु निन्दाको कारण बन्छ । यसले पति-पत्नी दुवैको इज्जत घटाउँछ।
यदि कहिल्यै तपाईको अपमान भयो भने यो कुरा कसैलाई नभन्नुहोस् । आफ्नो बेइज्जतीको कुरा अरुलाई बत्ताउँदा आफ्नो बाँकी इज्जत नष्ट हुन्छ। त्यसैले साथी वा परिवारको सदस्य जतिसुकै राम्रो किन नहोस्, उसलाई अपमानको कुरा नभन्नुहोस्।
कमजोर व्यक्तिलाई सबैले दबाउन खोज्छन्। त्यसैले आफ्नो कमजोरी कसैलाई नभन्नुहोस्। यसो गर्नाले दुख घट्नुको साटो बढ्छ। तपाईको कमजोरीको फाइदा उठाएर मानिसहरूले तपाईलाई हानि पुऱ्याउन खोज्नेछन्।
आफूसँग भएको धनको बारेमा कसैलाई नभन्नुहोस्। धेरै प्रकारका समस्याहरूसँग लड्न पैसा उपयोगी चीज साबित हुन सक्छ। यदि तपाईसँग धेरै पैसा छ र तपाईले आफ्नो नजिकका मानिसहरूलाई यो कुरा भन्नुभयो भने, तिनीहरूले यसलाई हत्याउने गर्न धेरै प्रयास गर्नेछन्। पक्कै पनि पैसा बिना कुनै इज्जत हुँदैन।
