वामदेव आफै ब्याक भएपछि रामवीर-वामदेव लफडा सकियो : प्रचण्ड !

Leaderboard Banner

काठमाडौँ- वामदेव गौतमलाई पुन निर्वाचन मार्फत संसदमा ल्याउने कुराले केहि दिन देखि नेपाली राजनीति तरंगित हुँदै आएको छ। धेरैले विरोध गरेपछि अहिले वामदेवको सांसद बन्ने सपना सपनामै सिमित हुने लगभग पक्का भएको छ।

शुक्रबार कागेश्वरी मनहरा नगरपालिकामा आयोजित दशैं शुभकामना आदानप्रदान कार्यक्रममा नेपाल कम्युनिष्ट पार्टीका अध्यक्ष पुष्पकमल दाहालले रामवीर र वामदेवको लफडा सकिएको बताएका छन्।

वामदेव आफैले चुनाव नलड्ने बताइसकेको हुँदा यस लफडाको अन्त्य भएको प्रचण्डले बताएका छन्। कार्यक्रममा बोल्दै,’अहिले रामवीरको राजीनामा र वामदेव चुनाव लड्ने कुरा आएको छ। यसमा तपाईंहरूले केही टेन्सन लिनुपर्दैन। पार्टीले निर्णय गर्छ,’ दाहालले भने, ‘हिजो वामदेवजीले चुनाव लड्दिनँ भनिसक्नु भयो अब यो लफडा सकियो। हामी अब देश विकासमा लाग्छौं।’

केहि दिन अगाडी मात्रै काठमाडौं-७ बाट निर्वाचित प्रतिनिधि सभा सदस्य रामवीर मानन्धरले पदबाट राजीनामा दिन लागेको पत्रकार सम्मेलन गरि जानकारी गराएका थिए। साथै आफू वामदेवको लागिनै राजिनामा दिन लागेको पनि खुलासा गरेपछि नेपाली राजनीति तरंगित भएको थियो।

प्रकाशित : शुक्रबार, असोज २६, २०७५११:०३

आफ्नो मत ब्यक्त गर्नुहोस् :

अर्को समाचार:

“हाम्रो कर्णाली हामी आफैँ बनाउँछौँ”