रामचन्द्र पौडेलले दिए सभापति देउवाबारे निकै कडा अभिव्यक्ति !

"गुटको नेताभन्दा सिंगो पार्टीको नेता हुन सुझाव"
Leaderboard Banner

काठमाडौँ । नेपाली काँग्रेसका वरिष्ठ नेता रामचन्द्र पौडेलले शैलजा आचार्यले गरेको निष्ठाको राजनीतिक सबैका लागि अनुकरणीय भएको बताएका छन् ।

शैलजा आचार्य आदर्श समाजले शैलजा आचार्यको नवौँ स्मृति दिवसका अवसरमा मंगलबार आयोजना गरेको कार्यक्रममा उनले भने, ‘आचार्य विद्रोही स्वभावको व्यक्ति हुनुहुन्थ्यो, विद्रोही स्वभावका कारण विसं २०१७ मा राजा महेन्द्रलाई कालो झण्डा देखाउँदा जेल बस्नुभयो, उहाँको विद्रोही स्वभाव अन्तिम कालखण्डसम्म कायम रह्यो ।’

अर्को प्रसङ्गमा पौडेलले सिद्धान्त र संगठन भएको काँग्रेस सिद्धान्तले जिते पनि संगठनले हार्दा यो अवस्थामा आएको बताउँदै पार्टी सभापति शेरबहादुर देउवालाई गुटको नेताभन्दा सिंगो पार्टीको नेता हुन सुझाव दिए ।

वरिष्ठ नेता पौडेलले सरकारले दुई तिहाइको समर्थन जुटाउनु र सत्ता पक्षबाटै प्रत्यक्ष कार्यकारी राष्ट्रपतिको कुरा गर्नुले गम्भीर आशंका पैदा गरेको पनि बताए ।

काँग्रेस केन्द्रीय सदस्य डा शेखर कोइरालाले सरकार अधिनायकवादतर्फ अगाडि बढेको भन्दै उक्त कुरालाई रोक्न काँग्रेस दह्रो रुपमा उभिनुपर्ने बताए । ‘बालकृष्ण ढुंगेललाई आम माफी दिनुले न्यायपालिका र कार्यपालिकाबीचको गठजोड त छैन भन्ने आशंका पैदा भएको छ’, उनले भने ।

समाजका अध्यक्ष दुर्गा घिमिरे, काठमाडौँ महानगरपालिका उपप्रमुख हरिप्रभा खड्गी, पत्रकार पुरुषोत्तम दाहाललगायतले नेपालमा महिला अधिकार स्थापनाका लागि आचार्यले महत्वपूर्ण भूमिका खेलेको उल्लेख गरे ।

विसं २००१ मा मोरङमा जन्मिएकी आचार्य २०४८÷२०५१ सालमा मोरङबाट प्रतिनिधिसभामा निर्वाचित भएकी थिइन् ।। विस २०५३ मा उपप्रधानमन्त्रीसमेत बनेकी उनको विसं २०६७ मा काठमाडौँमा निधन भएको थियो ।

प्रकाशित : मङ्गलबार, जेठ २९, २०७५१६:३४

आफ्नो मत ब्यक्त गर्नुहोस् :

अर्को समाचार:

सञ्चारमन्त्रीको यो कस्तो राणा शासन हो ? कडा प्रश्न सोधेको भन्दै ठाडो निर्देशनमा कार्यक्रमनै बन्द गरिदिने..