चैत्र नवरात्रि धर्मको महत्त्वपूर्ण चाड मध्येको एक हो। पञ्चाङका अनुसार प्रत्येक वर्ष चैत्र शुक्ल पक्षको प्रतिपदा तिथिबाट नवरात्रिको शुभारम्भ हुन्छ। यस वर्ष, नवरात्रि चैत ८ गतेबाट सुरु हुनेछ र चैत १६ गतेसम्म हुनेछ र नवमी तिथिबाट समाप्त हुनेछ। यस वर्ष चैत्र नवरात्रि को समयमा केही अति दुर्लभ संयोग बन्ने भएको छ।
पञ्चाङका अनुसार नवरात्रीको पहिलो दिन अर्थात् प्रतिपदा तिथि चैत ७ गते राति ११:११ बजेबाट सुरु हुनेछ। उदय तिथिका अनुसार चैत्र नवरात्रि चैत ७ गते देखि सुरु हुनेछ र यसै दिन कलश स्थापना पनि गरिने छ।
यस वर्ष माता दुर्गा डुङ्गा चढेर भक्तजनको घरघरमा पुग्ने जनविश्वास छ। डुङ्गामा देवी दुर्गाको आगमनले मानिसको जीवनमा सुख, समृद्धि र शान्ति ल्याउने जनाउँछ। त्यस्तै देवी डोलीमा सवार भएर फर्किनेछिन्, जुन निकै शुभ मानिन्छ।
चैत्र नवरात्रिमा बन्नेछ दुर्लभ संयोग
यस वर्ष चैत्र नवरात्रिमा धेरै शुभ योगहरू बन्न लागेका छन्। ज्योतिष शास्त्रका अनुसार यस शुभ दिनमा एकैसाथ चार योग बन्ने गर्दछ। करिब ११० वर्षपछि बृहस्पति र बुधले निकै शुभ मानिने नवरात्रिमा राशि परिवर्तन गर्न लागेका छन्। चैत्र नवरात्रि शुक्ल योगबाट सुरु हुनेछ, त्यसपछि ब्रह्मयोग र लगत्तै इन्द्रयोग हुनेछ।
