ज्योतिषशास्त्रका अनुसार समय-समयमा ग्रह राशि परिवर्तन गर्दा त्रिग्रही र चतुर्ग्रही योगको निर्माण हुने गर्दछ । जसको प्रभाव देश र विश्व लगायत पृथ्वीमा भएका मानव जातिमा देखिने गर्दछ । वृश्चिक राशिमा चतुर्ग्रही योग बन्न लागेको छ । यस योगको शुभ-अशुभ प्रभाव सबै राशिमा देखिनेछ । तर ३ राशिका राशिहरु यस्ता छन्, जसलाई यस समयमा राम्रो नाफा र काम–व्यवसायमा राम्रो सफलता मिल्न सक्छ । जान्नुहोस् यी कुन-कुन राशि हुन् ।
मकर राशि
मकर राशिको व्यक्तिलाई चतुर्ग्रही योग योगको कारण आयआर्जनको दृष्टिले राम्रो साबित हुन सक्छ। किनकि यस समयमा मकर राशिको ११ औँ घरमा यो योग बन्न लागेको छ । जसलाई आम्दानी र नाफाको घर मानिन्छ । तसर्थ, यस समयमा आम्दानी बढ्न सक्छ। साथै, सेयर बजार आदिमा लगानी गर्दा नाफा हुन सक्छ। व्यापारको सन्दर्भमा सानो वा ठूलो यात्रा पनि गर्न सक्नुहुन्छ। जुन शुभ साबित हुन सक्छ।
कुम्भ राशि
चतुर्ग्रही योग कुम्भ राशिको लागि शुभ र फलदायी साबित हुन सक्छ। किनभने यो यस राशिको दसौँ घरमा बन्न लागेको छ । जसलाई कर्म र नोकरीको स्थान भनिन्छ। त्यसैले यस समयमा नयाँ कामको प्रस्ताव प्राप्त गर्न सक्नुहुन्छ। यसका साथसाथै यदि कुनै काम गर्दै हुनुहुन्छ भने, कार्यस्थलमा सहकर्मीको सहयोग प्राप्त गर्न सक्नुहुन्छ। यस समयमा व्यापार विस्तारको लागि यो समय अनुकूल छ। साथ-साथै कार्यस्थलमा आफ्नो कडा परिश्रमको सकारात्मक परिणाम प्राप्त गर्नुहुनेछ। व्यवसाय तेल, फलाम र खनिजसँग सम्बन्धित छ भने विशेष लाभ लिन सक्नु हुनेछ ।
तुला राशि
तुला राशिको लागि चतुर्ग्रही योग बन्नु अनुकूल साबित हुन सक्छ। किनकि यो योग यस राशिको दोस्रो घरमा बन्न लागेको छ । जसलाई धन र बोलीको स्थान मानिन्छ। त्यसैले यस समयमा अचानक धन प्राप्त गर्न सकिन्छ। साथै, उधारो वा फसेको पैसा प्राप्त गर्न सकिन्छ। साथै, आर्थिक स्थितिमा पनि सुधार हुनेछ।
