काठमाडौँ : – वैदिक ज्योतिष शास्त्रमा गुरु ग्रह बृहस्पतिलाई सबैभन्दा शुभ ग्रह मानिन्छ। बृहस्पतिको प्रत्येक गतिविधि र हलचलले देश – दुनिया र सबै राशिहरुमा व्यापक असर पार्छ। गुरु ग्रहले जेठ ३१ गते बिहिबारको दिन रोहिणी नक्षत्रमा प्रवेश गरेको थियो, अहिले यो यस नक्षत्रको तेस्रो चरणमा छ, साउन १६ गते बुधबार यो चौथो चरणमा प्रवेश गर्नेछ।
र भदौ ४ गते मङ्गलबारसम्म यहाँ गोचर गरेपछि मृगशिरा नक्षत्रमा प्रवेश गर्नेछ। रोहिणी नक्षत्रको स्वामी चन्द्रमा र यसको देवता ब्रह्मा हुन्। बृहस्पति ग्रहको रोहिणी नक्षत्रमा हुने गोचरले सबै राशि प्रभावित हुनेछन् तर ३ राशिका मानिसलाई यसबाट बढी फाइदा हुने सम्भावना छ। आउनुहोस् जानौं, ती राशिहरु कुन – कुन हुन् त ?
रोहिणी नक्षत्रमा बृहस्पतिको गोचरले राशिहरुमा पार्ने प्रभाव : –
कर्कट राशि : –
रोहिणी नक्षत्रमा बृहस्पतिको गोचरको प्रभावले कर्कट राशिका व्यक्तिहरूको जीवन धेरै अनुकूल हुने सम्भावना छ। व्यापार व्यावसायमा उल्लेख्य वृद्धि हुने सम्भावना छ । व्यवसायमा साझेदारबाट पूर्ण सहयोग मिल्नेछ। नाफा मार्जिनमा अप्रत्याशित उछालको सम्भावना छ।
विद्यार्थीको व्यक्तित्वमा नयाँ चमक आउनेछ । आत्मविश्वास बढ्नेछ। कार्यमा वरिष्ठबाट सहयोग मिल्नेछ। प्रतिस्पर्धात्मक परीक्षामा सफलता मिल्नेछ र आफूले चाहेको जागिर पाउन सकिनेछ। स्वास्थ्य समस्याबाट मुक्ति मिल्ने सम्भावना छ ।
वृश्चिक राशि : –
रोहिणी नक्षत्रमा बृहस्पतिको गोचरले वृश्चिक राशिका व्यक्तिहरूको जीवनमा धेरै सकारात्मक प्रभाव पार्ने सम्भावना छ। व्यवसायीको टाउकोबाट व्यापार ऋणको बोझ हट्न सक्छ। रोजगारीका व्यक्तिलाई नयाँ जिम्मेवारी मिल्न सक्छ, पदोन्नतिको सम्भावना पनि छ ।
बेरोजगारलाई धेरै नयाँ कामको अवसर मिल्नेछ। तपाईले परियोजनाको तयारीमा वरिष्ठ र शिक्षकहरूबाट सहयोग प्राप्त गर्नुहुनेछ। शिक्षण व्यावसायमा संलग्न व्यक्तिले आर्थिक लाभ पाउनेछन्। तपाईको दैनिक दिनचर्या व्यवस्थित हुनेछ। पुरानो स्वास्थ्य समस्याबाट राहत मिल्नेछ।
मीन राशि : –
मीन राशिका जातकको लागि रोहिणी नक्षत्रमा गुरु बृहस्पतिको गोचर लाभकारी सिद्ध हुन् सक्छ। तपाई आफ्नो व्यवसाय सुरु गर्न सक्नुहुन्छ। घरपरिवारबाट पूर्ण सहयोग मिल्नेछ । साथीभाइको सहयोगले कार्ययोजनाको काम बन्ने र अधुरा कामहरु पुरा हुनेछन् । विद्यार्थीहरूले रोजगार पाउन सक्छन्।
व्यवसायीहरूले नयाँ सरकारी योजनाहरू प्राप्त गर्न सक्छन्। राम्रो खानपानले रोगबाट मुक्ति मिल्छ । मानसिक मजबूती बढ्नेछ। शारीरिक शक्ति र ऊर्जामा वृद्धि हुनेछ। प्रेम जीवन र सम्बन्धमा सन्तुलन रहनेछ। दाम्पत्य जीवनमा खुशी बढ्नेछ।
