काठमाडौँ : – ज्योतिष शास्त्र अनुसार यो महिना धेरै ठुल्ठुला ग्रहहरुको गोचर हुँदैछ। यस अवधिमा धेरै राशिका व्यक्तिहरूको जीवनमा प्रभाव देखिनेछ। असोज १४ गते आइतबार व्यापार र बुद्धिको कारक ग्रह बुध स्वराशि कन्यामा प्रवेश गरेको छ। कन्या राशिमा बुधको गोचरका कारण सूर्यसँग बुधको संयोगले धन राजयोगको निर्माण हुन्छ। ज्योतिषमा धन राजयोगलाई निकै शुभ योग मानिन्छ। कन्या राशिमा बुधको गोचरले २ राजयोगको निर्माण हुन्छ। असोज १४ गते बुध कन्या राशिमा प्रवेश गरेसँगै भद्र राजयोगको निर्माण हुनेछ।
कन्या राशिमा सूर्य पहिले देखि नै विराजमान छ। बुधको संयोगमा सूर्यको उपस्थितिका कारण बुधादित्य राजयोग पनि बन्दै छ। यी दुवै योगलाई ज्योतिष शास्त्रमा शुभ मानिन्छ। यस अवधिमा बन्ने यी राजयोगहरूले केही राशिका व्यक्तिहरूको भाग्यमा सुधार ल्याउन सक्छ। बुधादित्य राजयोग र भद्र राजयोग कुन – कुन राशिका लागि लाभकारी रहनेछ।
• वृष राशि – इ, उ, ए, ओ, बा, बि, बु, बे, बो (Taurus) : –
ज्योतिषशास्त्रका अनुसार बुध र सूर्यको संयोगले बुधादित्य र भद्र राजयोगको निर्माण हुने भएकाले वृष राशिका लागि शुभ मानिन्छ । यी दुई राजयोगको प्रभावले नोकरी र व्यापारमा शुभ फल मिल्नेछ । यस अवधिमा मनग्गे आम्दानी हुनेछ। साथै लक्ष्मीको आशीर्वादले धन योग पनि बनिरहेको छ ।
यस्तो अवस्थामा यस अवधिमा अचानक आर्थिक लाभ हुनेछ। लगानीबाट आर्थिक लाभ हुनेछ । बाँकी रहेको रकम फिर्ता हुनसक्छ । पैतृक सम्पत्तिबाट लाभ मिल्नेछ। दाजुभाइबाट सहयोग मिल्नेछ । समग्रमा वृष राशिका व्यक्तिहरूले यस अवधिमा धेरै धन र सम्पत्ति प्राप्त गर्नेछन्।
• सिंह राशि – मा, मि, मु, मे, मो, टा, टि, टु, टे (Leo) : –
सूर्य र बुधको संयोगले धन राजयोग बन्दै छ, जुन सिंह राशिका व्यक्तिका लागि शुभफल एवं भाग्योदयको कारण बन्नेछ। भाग्यको पूर्ण सहयोग मिल्नेछ । लक्ष्मीको कृपाले धन प्राप्ति हुनेछ । धन राजयोगले आर्थिक जीवनमा सबै प्रकारका समस्याहरू हट्नेछ।
एकै साथ, आफ्नै व्यवसाय चलाउनेहरूले यस अवधिमा ठूलो आर्थिक लाभ देख्नेछन्। ससुरालीतर्फबाट आर्थिक लाभ हुनेछ । यस अवधिमा कुनै पनि समयमा तपाईलाई अचानक चिठ्ठा लाग्न सक्छ। कार्यस्थलमा सकारात्मक वातावरण लाभदायी साबित हुनेछ।
• तुला राशि – र, रि, रु, रे, रो, ता, ति, तु, ते (Libra) : –
तुला राशिका लागि अक्टोबर महिनाले धेरै शुभ फल दिनेछ । यस अवधिमा यी राशिका व्यक्तिहरूलाई जागिरमा बढुवा हुनुका साथै पारिश्रमिकमा वृद्धि हुन सक्छ।
साथै, यस अवधिमा आमाबाबुबाट ठूलो आर्थिक लाभ हुनेछ। व्यापारमा ठूलो योजना साकार हुनेछ, जसले धेरै पैसा ल्याउनेछ। जागिर खोज्नेहरूले सरकारी जागिरको प्रस्ताव पाउन सक्छन्। हालसालै लगानी गरिएको पैसाले यस समयमा ठूलो लाभ दिनेछ।
• धनु राशि – ये, यो, भ, भि, भु, ध, फा, ढ, भे (Sagittarius) : –
बुधादित्य राजयोग र भद्र राजयोगले धनु राशि हुनेहरुको भाग्य उज्यालो बनाउनेछ । यस अवधिमा व्यापार व्यावसायमा चौतर्फी लाभ हुनेछ । जागिरमा बढुवासँगै तलबमा वृद्धि हुने सम्भावना छ । यस समयमा सरकारी जागिरको खोजीमा रहेका विद्यार्थीहरूले राम्रो समाचार पाउन सक्छन्। कार्यस्थलमा वरिष्ठबाट सहयोग मिल्नेछ ।
रोजगारीमा प्रगतिको सम्भावना छ । लामो समयदेखि व्यापारमा रोकिएको पैसा यस समयमा फिर्ता हुन सक्छ। धनु राशिका लागि समग्रमा दुई ठूला राजयोग शुभ साबित हुनेछन् ।
