कुम्भ राशिको राशि चक्रको एघारौँ राशि हो। यो राशिका मानिसहरु निकै शान्त र लजालु स्वभावका हुन्छन् । यस राशिका मानिस सहयोगी स्वभावका हुन्छन्। कुम्भ राशिका व्यक्तिहरू धेरै इमानदार हुन्छन्, उनीहरू कुनै पनि काम धेरै मिहिनेत र लगनशीलताका साथ गर्न स्वभावका हुन्छन् । यो राशिका मानिसहरु धेरै संवेदनशील हुन्छन् । यस राशिका मानिसलाई अरु मानिसहरूसँग घुलमिल हुन धेरै समय लाग्छ ।
यस राशिका मानिसहरू सधैँ ठूला सपना देख्नेहरू हुन्। आफ्नो सपना पूरा गर्न तन मन लगाएर लागेका हुन्छन्, कुनै पनि काम अधुरो छोड्दैनन् ।यो राशिका मानिस महान् विचारधाराका हुन्छन् । यस राशिका मानिस कुनै पनि विषयमा धेरै सावधानीपूर्वक निर्णय लिन्छन्। कुम्भ राशि भएका व्यक्तिहरूमा कठिन परिस्थितिलाई सजिलै समाधान गरेर अगाडि बढ्ने कला हुन्छ ।
यस राशिका व्यक्तिहरू आत्मनिर्भर हुन्छन्, आफ्नो लक्ष्य पूरा गर्नका लागि उनीहरुमा कठिन परिस्थितिलाई एक्लै पार गर्ने साहस हुन्छ । कुम्भ राशि खुल्ला मनका हुन्छन् । तिनीहरूले कुनै पनि व्यक्तिको बारेमा कुनै राय बनाउनु अघि उनीहरूको अवस्था र समस्याहरू राम्ररी बुझ्ने प्रयास गर्छन्। यस राशिका मानिसहरु कुनै पनि प्रकारको सीमा र प्रतिबन्धमा विश्वास गर्दैनन्। तिनीहरू आफ्नो विचारमा धेरै स्वतन्त्र हुन्छन् ।
