काठमाडौँ : – अहिले शारदीय नवरात्रिको पवित्र पर्व चलिरहेको छ। यस अवधिमा व्रत बस्नुका साथै देवी दुर्गा माताका ९ रूपको पूजा गर्नु पनि शुभ मानिन्छ। सम्पूर्ण नवरात्रि व्रत राख्न नसक्नेले अष्टमी र नवमी तिथीको व्रत बस्छन् ।
वैदिक पञ्चाङ्ग अनुसार यसपटकको नवरात्रिको महाष्टमी र महानवमी तिथि अत्यन्तै खास छ, किनकी यस दिन एक या दुई होइन, तीन शुभ योगको संयोग बनिरहेका छन्। यसपटक असोज २५ गते शुक्रबार एकै दिन महाष्टमी र महानवमी तिथि परेकोले यस दिनको महत्व आफैँमा बढेको छ। यसका साथै यस दिन रवि योग, सिद्धियोग र बुधादित्य राजयोग पनि निर्माण हुँदैछन्।
यी तीन शुभ योगको प्रभावले १२ राशिका व्यक्तिले लक्ष्मीको कृपा प्राप्त गर्नेछन्। तर, १२ राशिमध्ये तीन भाग्यशाली राशि यस्ता पनि छन्, जसले यस दिन धनकी देवी लक्ष्मीको विशेष आशीर्वाद प्राप्त गर्नेछन्। आउनुहोस् जानौं ती राशिका बारेमा जसमाथि देवी लक्ष्मीले चाँडै धन वर्षात् गराउनेछिन्।
मेष राशि
शारदीय नवरात्रि समाप्त हुनु अघि मेष राशिका व्यक्तिहरूले आफ्नो करियरसँग सम्बन्धित केही शुभ समाचार पाउन सक्छन्। अविवाहितको विवाह पनि चाँडै तय हुन् सक्छ। यसबाहेक विवाहित जोडीको दाम्पत्य जीवनमा प्रेम कायम रहनेछ। कपडामा काम गर्ने व्यक्तिहरूले आफ्नो व्यवसायमा ठूलो नाफा कमाउन सक्छन्। यसका साथै माता दुर्गाको कृपाले पुरानो रोगको पीडाबाट पनि मुक्ति पाउन सक्छन्।
वृश्चिक राशि
वृष राशिका मानिसहरुमा आगामी केही दिनहरुमा दुर्गा माताको विशेष कृपा रहनेछ, जसले गर्दा जीवनमा सुख शान्ति रहनेछ । नवरात्रि सकिनुअघि रोजगारीमा रहेका व्यक्तिले पदोन्नतिको शुभ समाचार पाउन सक्नेछन् । व्यवसायीको धनमाल बढ्ने सम्भावना पनि छ । विवाह नगरेका मानिसहरूलाई यो महिना शुभ समाचार प्राप्त हुन सक्छ।
कुम्भ राशि
व्यवसायीको कुनै मुद्दा अदालतमा चलिरहेको छ भने छिट्टै टुंगो लगाउन सकिन्छ । रोजगारी भएकाले रोकिएको पैसा फिर्ता पाउन सक्नेछन् । आकस्मिक आर्थिक लाभका कारण आर्थिक स्थितिमा स्थिरता रहनेछ। विवाहित दम्पतीबीच मनमुटाव भएमा स्थिति अनुकूल हुने सम्भावना छ । वृद्धवृद्धाहरूले दीर्घकालीन रोगको पीडाबाट राहत पाउन सक्छन्। पसल भएका मानिसहरूले देवी दुर्गाको विशेष कृपाले अपार धन प्राप्त गर्न सक्छन्।
