जन्मदिन तथा कुनै शुभ कार्यमा उपहार दिने प्रचलन बढेको छ । चाडपर्वको मौसम चलिरहेको छ। यस्तो अवस्थामा उपहार आदानप्रदान हुनु सामान्य कुरा हो । यदि तपाई पनि कसैलाई उपहार दिदै हुनुहुन्छ भने तपाईलाई कतैबाट उपहार मिलिरहेको पनि हुनुपर्छ । कतिपय उपहारलाई शुभ मानिन्छ, जसलाई हामीले पाउँदा हाम्रो मन प्रसन्न हुन्छ।
साथै, केही उपहारहरू छन्, जसले घरमा नकारात्मक ऊर्जा ल्याउने प्रतीकको रुपमा लिने गरिन्छ। यस्तो अवस्थामा हामीले यस्ता उपहारहरू भुलेर पनि स्वीकार गर्नु हुँदैन र घरमा ल्याउनु हुँदैन। जान्नुहोस् यस्ता उपहारहरू के-के हुन्?
धारिलो वस्तु
वास्तुशास्त्रमा भनिएको छ कि यदि कसैले तपाईंलाई कैँची, चक्कु वा अन्य कुनै धारिलो वस्तु उपहार दिन सोचमा हुनुहुन्छ भने उसले विनम्रतापूर्वक अस्वीकार गर्नुपर्छ। यस्ता तीखो चीजहरू घरको शान्तिको लागि राम्रो हुँदैन र तिनीहरूको आगमनले परिवारमा कलह बढाउँछ। योसँगै आर्थिक समस्या पनि बेहोर्नु पर्ने हुन्छ ।
अस्ताउँदै गरेको घामको तस्बिर
अस्ताउँदो सूर्यको चित्र वा मूर्तिलाई उपहारको रूपमा कहिल्यै स्वीकार गर्नु हुँदैन। वास्तुशास्त्रमा अस्ताउँदो सूर्यलाई निराशाको प्रतीक मानिन्छ। यदि घरमा अस्ताउँदै गरेको सूर्यको तस्बिर ल्याउनुभयो भने तपाईंको जीवनमा निराशा र दुःखले भरिन बेर लाग्दैन । यस्तो अवस्थामा यस्ता उपहार स्वीकार नगर्नु तपाईंको लागि राम्रो हुनेछ।
यस्ता चीजहरूलाई उपहारको रूपमा लिनु ठिक हुँदैन
वास्तुशास्त्रका अनुसार कसैबाट बेल्ट, रुमाल, घडी, पर्स वा अन्य छालाका वस्तुहरू उपहारस्वरूप लिनु पनि उचित मानिँदैन। यी सबै कुराले घरपरिवारमा ईर्ष्या र आपसी घृणा पैदा गर्ने विश्वास गरिन्छ । यदि कसैले जबरजस्ती गर्यो भने पनि आफ्नो घरमा राख्नुको सट्टा अरुलाई दिनुहोस्। यसो गर्नाले तपाईको घर नकारात्मक ऊर्जाबाट सुरक्षित रहन सक्नु हुन्छ ।
हिंस्रक जनावरको तस्बिर
चितुवा, बाघ, सिंह, ब्वाँसो, स्याल वा अन्य सिकारी जनावरको तस्बिर वा मूर्ति उपहारमा लिनु वा दिनु शुभ मानिँदैन् । यस्ता तस्बिरले मनमा हिंसाको भावना बढ्छ, जसले परिवारका सदस्यमा क्रोध पैदा हुने र हिंसाका घटना बढ्ने गरेको बताइएको छ । तसर्थ, सकेसम्म यस्ता तस्बिरहरूको लेनदेनबाट बच्नु राम्रो हुन्छ।
