काठमाडौँ : वृष-तुला राशिको स्वामी शुक्र ग्रह प्रत्येक ग्रहमा २६ दिनसम्म मात्र रहन्छ र त्यसपछि राशि परिवर्तन गर्दछ। जब शुक्र ग्रहको राशि परिवर्तन हुन्छ, तब यसको प्रत्यक्ष प्रभाव व्यक्तिको बुद्धि, व्यापार र आम्दानीमा पर्छ। कतिपय राशिका लागि यो परिवर्तन शुभ हुने भए पनि कतिपयलाई समस्याको सामना गर्नुपर्ने हुन्छ ।
वैदिक पञ्चाङ्ग अनुसार प्रेम-सौन्दर्य र कलाको कारक ग्रह शुक्र असोज २७ गते बिहान ६ बजेर २३ मिनेटमा वृश्चिक राशिमा प्रवेश गर्नेछ। जहाँ शुक्र आगामी २२ दिनसम्म रहनेछ। २६ दिनपछि कार्तिक २२ गते प्रात: काल ०३ : ५४ मिनेटमा शुक्र वृश्चिक राशिबाट निक्लिएर धनु राशिमा गोचर गर्नेछ। यी २६ दिनमा कुन – कुन राशिका व्यक्तिहरुले आफ्नो करियर र व्यापारमा वृद्धि देख्न सक्छन् त।
मिथुन राशि
शुक्र गोचरको सकारात्मक प्रभावका कारण मिथुन राशिमा जन्मेका व्यक्तिको जीवनमा आगामी २२ दिनसम्म सबै ठीकठाक रहनेछ । कला साहित्य क्षेत्रसँग सम्बन्धित व्यक्तिहरूले आफ्नो करियरमा सफलता प्राप्त गर्नेछन्। यसका साथै आर्थिक लाभ पनि हुनसक्छ । जागिर परिवर्तन गर्ने सोचमा रहेकाहरूलाई राम्रो कम्पनीमा काम गर्ने प्रस्ताव आउन सक्छ।
तुला राशि
युवाको आयमा वृद्धि हुने प्रबल सम्भावना छ । यसका साथै समाजमा इज्जत पनि बढ्नेछ । तुला राशिका लागि आगामी २६ दिन पारिवारिक जीवन सुखद रहनेछ। ज्येष्ठ नागरिकको शारीरिक स्वास्थ्य राम्रो रहनेछ । दाजुभाइ तथा दिदीबहिनीबीच चलिरहेको विवादको अन्त्य हुनेछ । व्यापारमा मार्जिन बढ्नेछ, जसले व्यवसायीहरूलाई राम्रो लाभ हुनेछ। विवाहित जोडीहरूले चाँडै आफ्नो पहिलो कार किन्न सक्छन्।
मकर राशि
शुक्र गोचरले मकर राशिका मानिसहरुको जीवनमा निकै सकारात्मक प्रभाव पार्ने सम्भावना छ। व्यापार विस्तारसँग सम्बन्धित योजनाहरू सफल हुनेछन्, जसले भविष्यमा राम्रो लाभ लिन सक्छ। व्यवसायी व्यवसायका लागि वैदेशिक यात्रामा जाँदै हुनुहुन्छ भने यात्रा सफल हुनेछ । ठूला दाजुभाइ तथा दिदीबहिनीबीच मनमुटाव चलिरहेको छ भने त्यो दरार समाधान हुने सम्भावना छ ।