सबै मानिसको बनावट फरक-फरक हुन्छ । धेरै मानिसको शरीरमा विभिन्न ठाउँमा कोठी हुन्छ । मानिसहरु प्रायः यी कोठी शरीरमा विभिन्न भागमा हुनु शुभ वा अशुभ हुन्छ भने सोच्ने गर्दछन् यो प्रश्नको उत्तर उनीहरुले पाउन सक्दैनन् । यो प्रश्नको उत्तर समुद्र विज्ञानमा लुकेको छ। यो ग्रन्थ महर्षि समुद्र नामक ऋषिले रचना गरेको मानिन्छ, त्यसैले यसलाई सामुद्रिक शास्त्र भनिन्छ। यस पुस्तकमा शरीरको विभिन्न भागमा हुने कोठीको अर्थ दिइएको छ।
दाहिने हत्केलामा कोठी हुनु निकै शुभ मानिन्छ ।
सामुद्रिक शास्त्रका अनुसार यदि तपाईको दाहिने हत्केलामा कोठी छ भने त्यो निकै शुभ मानिन्छ । जसको हत्केलामा कोठी हुन्छ, माता लक्ष्मीको आशीर्वाद सदैव रहन्छ र उनको गोजीमा कहिल्यै पैसाको अभाव हुँदैन। यस्ता व्यक्तिले धनसँगै समाजमा प्रतिष्ठा पनि कमाउँछन् ।
दाहिने गालामा कोठीको अर्थ
जसको दाहिने गालामा कोठी हुन्छ, उनीहरु भाग्यमानी मानिन्छन् । यस्ता व्यक्ति आफ्नो जीवनसाथीलाई धेरै माया गर्छन् र उनको सबै इच्छा पूरा गर्छन्। यस्ता व्यक्तिहरु सामाजिक काममा पनि रुचि राख्छन् र मनग्य आम्दानी गर्छन् । त्यस्तै बायाँ गालामा कोठी हुने मानिसहरु घुम्न मन पराउँछन् । यस्ता मानिसहरु पैसा खर्च गर्नबाट पछि हट्दैनन् र धेरै पटक पछि पछुताउँछन् ।
छातीको बिचमा कोठी भएको मानिस
सामुद्रिक शास्त्रका अनुसार जसको छातीको बिचमा कोठी हुन्छ, उनीहरुलाई सधैँ धनको देवता कुबेरको आशीर्वाद प्राप्त हुन्छ । यस्ता मानिसहरु रचनात्मक स्वभावका हुन्छन् । उनिहरु केही न केही नयाँ गरिरहन्छन्, जसको कारण समाजमा उनीहरुको चर्चा सधैँ रहन्छ । यस्ता व्यक्तिले सबै प्रकारका भौतिक सुख प्राप्त गरी समाजमा आफ्नो विशेष पहिचान बनाउँछन्।
निधारको दाहिने छेउमा कोठी हुनु
जसको निधारको दाहिने भागमा कोठी हुन्छ, कुबेर देवताको कृपा सधैँ रहन्छ । यस्ता व्यक्तिले आफ्नो मिहिनेत र नरम व्यवहारले समाजमा उच्च स्थान पाउँछन् । सामुद्रिक शास्त्रमा भनिएको छ कि यस्ता व्यक्तिलाई कहिल्यै आर्थिक सङ्कटको सामना गर्नु पर्दैन। त्यस्तै निधारको देब्रेपट्टि कोठी भएका व्यक्तिले स्वास्थ्यदेखि लिएर धन सम्पत्तिसम्मका धेरै समस्याको सामना गर्नुपर्ने हुन्छ ।
