जीवनमा केही यस्तो समय आउँछ तथा सङ्केत देखिन थाल्छ तब घरमा नकारात्मक ऊर्जाको प्रवाह बढ्छ। जसका कारण परिवारले गरिबीसँगै रोग र कलहको सामना गर्नु पर्ने हुन्छ । तर, परिवारमा खराब समय आउनुअघि नै माता लक्ष्मीले ४ सङ्केत मार्फत चेतावनी दिने मान्यता रहेको छ । जसलाई यी सङ्केतको बारेमा ज्ञान हुन्छ तिनीहरूले सङ्केत बुझ्छन् र तुरुन्तै विभिन्न उपाय गर्छन्। त्यस्तै मूर्ख स्वभावका मानिसहरू यी कुराहरूलाई अन्धविश्वासको रूपमा लिन्छन् जानौँ ती ४ सङ्केतहरू के हुन्।
घरमा बारम्बार सिसा फुट्नु
सिसा एक नाजुक चीज हो, त्यसैले कहिलेकाहीँ यदि यो फुट्छ भने यसलाई सामान्य मानिन्छ। तर, घरमा ऐना-सिसाको सामान बारम्बार फुट्न थाल्यो भने अशुभ मानिन्छ । यसले परिवारमा चाँडै केही अशुभ हुन गइरहेको सङ्केत हो। यस्तो घटना भइरहेको छ भने, तुरुन्तै ढिलो नगरी फुटेको सिसा घर बाहिर फाल्नुपर्छ।
परिवारका सदस्यहरू बिच मतभेद बढ्नु
घरपरिवारमा विषयमा मतभेद हुनु स्वाभाविक हो । यो सबै घरमा हुन्छ। तर परिवारमा सानातिना कुरामा बारम्बार झगडा र कलह भइरहने हो भने चाँडै अशुभ हुने सङ्केत हो ।
जसका कारण आर्थिक अवस्था बिग्रन सक्छ र परिवारका सदस्यहरू अदालतको मामिलामा फस्न सक्छन्। यस्तो बेला एक-अर्काको कुरा शान्त मनले सुन्ने र अर्कालाई अप्ठ्यारो लाग्ने कुनै पनि कुरा नगर्ने जिम्मेवारी परिवारको सदस्यको हुन्छ ।
पूजामा बारम्बार अवरोध आउनु
धार्मिक शास्त्र अनुसार जुन घरमा नियमित हवन-यज्ञ र पूजा गरिन्छ, त्यहाँ देवताको वास हुन्छ। तर पूजामा निरन्तर बाधा भईरहेको छ भने सम्झनुहोस् माता लक्ष्मीले निकट भविष्यमा हुने अशुभ घटनाको बारेमा सचेत गराइरहेकी छिन् ।
यो पनि एक सङ्केत हो कि परिवारले चाँडै आर्थिक सङ्कट सामना गर्न सक्छ। यस्तो अवस्थामा घरमा विधिपूर्वक हवन गराएर जानीजानी वा नजानी आफ्नो गल्तीको लागि भगवानसँग क्षमा माग्नुहोस्। यसो गर्नाले तपाईको समस्या हट्नेछ।
तुलसीको बोट समय भन्दा पहिले नै बिस्तारै सुक्दैछ
तुलसीको बोटमा माता लक्ष्मीको वास हुने विश्वास गरिन्छ । जुन घरमा तुलसीको बोट हरियो रहन्छ, त्यहाँ देवी लक्ष्मीको आशीर्वाद सदैव रहन्छ। अर्कोतर्फ, यदि तुलसीको बोट समय भन्दा पहिले नै ओइलाउन थाल्छ वा यसको पातहरू एक एक गरी सुक्न थाल्छ भने, यो तपाईंको परिवारलाई चाँडै ठूलो समस्याको सामना गर्नु पर्ने सङ्केत हो।
यस्तो अवस्थामा यो सङ्केतलाई बेवास्ता गर्नुको सट्टा पानी दिएर तुलसीको बोटलाई बचाउने प्रयास गर्नुपर्छ, जसले गर्दा आफ्नो परिवारमा आइपरेको सङ्कट हट्न सकिन्छ।
