काठमाडौँ : यो वर्ष धेरै ग्रहहरुले आफ्नो राशि परिवर्तन गर्दैछन्। ग्रहले आफ्नो राशि परिवर्तन गर्दा त्यसको शुभ-अशुभ असर सबै १२ वटै राशिहरुमा पर्छ। भदौ २५ गते शनिबार बुध ग्रह कन्या राशिमा बक्री भईसकेको छ। असोज १ गते शनिबार सूर्य कन्या राशिमा प्रवेश गर्दैछ। त्यस्तै असोज ८ गते शनिबार शुक्र पनि कन्या राशिमा गोचर गर्नेछ। एउटै राशिमा तीन ग्रहको उपस्थितिले ६ राशिमा शुभ प्रभाव पार्नेछ।
मिथुन राशि – का, कि, कु, घ, ङ, छ, के, को, ह (Gemini) : –
मिथुन राशिका व्यक्तिको जीवनमा तीन ग्रहको गोचरले धेरै राम्रो कुरा ल्याउनेछ। समाजमा उनीहरुको प्रतिष्ठा बढ्नेछ। मानिसहरुले समाजमा आदर गर्नेछन्। जीवनमा ठुलो उपलब्धि हासिल गर्नेछन्। मानिसहरुले कामको तारिफ गर्नेछन्। धनसम्बन्धी समस्याहरु समयमै हल हुनेछन्। जागिरमा बढुवा मिल्ने सम्भावना छ। व्यापार-व्यवसायमा आबद्द व्यक्तिले ठुलो मुनाफा कमाउनेछन्। स्वास्थ्य अवस्था राम्रो रहनेछ।
धनु राशि – ये, यो, भ, भि, भु, ध, फा, ढ, भे (Sagittarius) : –
ग्रहको उथलपुथलले धनु राशिका जातकको भाग्य चम्किनेछ। भाग्यले साथ दिनेछ। भाग्यको भरमा रोकिएका कामहरु समयमै पूरा हुनेछन्। व्यवसाय गर्नेहरुले यो महिना प्रशस्त आर्थिक लाभ गर्नेछन्। रोजगारीको खोजीमा रहेका युवायुवतीहरुले रोजगारीको अवसर पाउनेछन्। विवाहको लागि जीवनसाथीको खोजीमा रहेका जातकले पनि योग्य वरवधु पाउनेछन्। यात्राको योग देखिन्छ।
मेष राशि – चु, चे, चो, ला, लि, लु, ले, लो, अ (Aries) : –
बुध, शुक्र र सूर्यकोक गोचरले मेष राशिका व्यक्तिहरुलाई आर्थिक लाभ दिनेछ। पुराना सपना साकार हुनेछन्। करियरमा नयाँ दिशा पाउनुहुनेछ। समाजमा तपाईको मान-सम्मान बढ्नेछ। आफ्नो कलाकौशलता प्रदर्शन गर्ने प्रशस्त अवसर पाउनुहुनेछ। पुराना रोगहरुबाट छुटकारा पाउनुहुनेछ। कुनै शुभ समाचारले तपाईको जिन्दगी बदल्न सक्छ। शुभ कामले यात्राको योग बन्न सक्छ। जागिरमा बढुवाको योग देखिन्छ।
कर्कट राशि – हि, हु, हे, हो, डा, डि, डु, डे, डो (Cancer) : –
ग्रहको हेरफेरले कर्कट राशिका जातकको जीवनमा खुशीयाली छाउनेछ। घरपरिवारका सबै कलह शान्त हुनेछ। घरमा सुखद् माहोल रहनेछ। सन्तानको उपलब्धीले गौरान्वित बनाउनेछ। पुरानो साथीसँग भेटघाट हुनसक्छ। घर तथा वाहनसम्बन्धी कार्यमा सफलता मिल्नेछ। घरमा माङ्गलिक कार्य हुन् सक्छ। रोकिएका पुराना काम समयमै पूरा हुनेछन्। धन-लाभको प्रशस्त मार्गहरु निर्माण हुनेछन्।
वृष राशि – इ, उ, ए, ओ, बा, बि, बु, बे, बो (Taurus) : –
वृष राशिका मानिसहरुलाई ग्रहको गोचरबाट प्रशस्त लाभ मिल्नेछ। प्रेम सम्बन्धको मामिलामा सफलता हासिल गर्नुहुनेछ। पति-पत्नीको दाम्पत्य जीवनमा धेरै खुशीयाली छाउनेछ। यो समयावधिमा धेरै भौतिक सुख-सुविधाहरुको आनन्द प्राप्त हुनेछ । कतैबाट ठूलो धनराशि प्राप्त हुनेछ । प्रेम सम्बन्धको मामिलामा शुभ समाचार मिल्नेछ। वैदेशिक यात्राको सम्भावना छ। व्यापार व्यवसायमा प्रशस्त लाभ हुनेछ।
कुम्भ राशि – गु, गे, गो, सा, सि, सु, से, सो, द (Aquarius) : –
कुम्भ राशिका व्यक्तिहरुले पनि ग्रहको राशि परिवर्तनबाट ठूलो लाभ हासिल गर्नेछन्। अड्डा-अदालतको मामिलाबाट टाढै रहनेछ। विद्यार्थीहरूले परीक्षामा राम्रो नतिजा ल्याउनेछन्। करियरको क्षेत्रबाट शुभ समाचार प्राप्त गर्नुहुनेछ। अलिकति मेहनतले रोकिएका सबै कामहरु पूरा हुनेछन्। धन आर्जनको नयाँ अवसरहरु मिल्नेछ। भाग्यले साथ दिनेछ। भगवानप्रतिको आस्था बढ्नेछ।
