हिन्दु धर्ममा, हप्ताको प्रत्येक दिन कुनै न कुनै देवता वा देवीलाई समर्पित गरिन्छ। हप्ताको पहिलो दिन अर्थात् सोमबारको दिनलाई देवताका देवता महादेवको दिन मानिन्छ । यस दिन भगवान शिवको आशीर्वाद प्राप्त गर्नको लागि ज्योतिष शास्त्रमा धेरै प्रकारका उपायहरू बताइएका छन्। यस दिन सबै विधि-विधानका साथ पूजा गरे भोलेनाथले छिट्टै प्रसन्न भई आशीर्वाद दिने जनविश्वास रहेको छ । यसले मानिसको उन्नतिको बाटो खोल्छ र सबैको मनोकामना पूरा हुन्छ।
काँचो गाईको दूध
यदि लामो समयदेखि बेरोजगार हुनुहुन्छ र धेरै प्रयास गरेर पनि सफलता मिलिरहेको छैन भने सोमबार यी उपायहरू गर्न सकिन्छ। सोमबार शिव मन्दिरमा जानुहोस् र गाईको काँचो दूधमा केही मिठाई र चामलको दाना मिसाएर शिवलिंगलाई चढाउनुहोस्। यसो गर्नाले मन पर्ने कामको प्राप्ति हुनुका साथै निरन्तर काममा प्रगति पनि हुन्छ।
शमी पत्र
भगवान भोलेनाथले शमी पत्रलाई बेल पात्रलाई जस्तै माया गर्ने धार्मिक विश्वास छ। सोमबार शिव मन्दिरमा गएर शिवलिंगमा शमी पत्र चढाउँदा महादेव छिट्टै प्रसन्न भई भक्तजनको सबै पीडा हटाउने धार्मिक मान्यता रहेको छ।
व्रत
सोमबार महिलाले भगवान शंकरसँगै पार्वतीको पनि पूजा गर्नुहोस्। यसो गर्नाले अखण्ड सौभाग्यको वरदान प्राप्त हुन्छ। सोमबार व्रत राख्ने युवतीले आफूलाई मन परेको केटा पाउने मान्यता रहेको छ।
