काठमाडौँ : – वैदिक ज्योतिष शास्त्रमा शनिलाई क्रूर र राहुलाई पापी ग्रह मानिन्छ। यी दुई ग्रहको मिलन, योग र संयोगलाई प्रायः राम्रो मानिदैन। शनि र राहु कुनै न कुनै तरिकामा आपसमा मिल्दा प्रायः अशुभ हुने विश्वास गरिन्छ। यद्यपि केही राशिहरुका लागि यो शुभ पनि हुन् सक्छ, जुन उनीहरुको कुण्डलीमा तिनको स्थितिमा निर्भर गर्दछ।
अहिले शनि ग्रह पूर्व भाद्रपद नक्षत्रमा गोचर गरिरहेको छ। शनिले यस नक्षत्रमा गत वर्ष २०८० साल चैत २४ गते प्रवेश गरेको थियो। यस नक्षत्रपछि शनिले असोज १७ गते दिउसो १२ बजेर ४५ मिनेटमा शतभिषा नक्षत्रमा प्रवेश गर्नेछ। यस नक्षत्रमा पौष १२ गतेसम्म विराजमान रहनेछ। शतभिषा नक्षत्रको स्वामी राहु ग्रह हुन्।
शनिको शतभिषा नक्षत्रमा गोचरमा यी ग्रहहरूको एकअर्कामा व्यापक प्रभाव रहनेछ, जसका कारण सबै राशिहरू प्रभावित हुनेछन्। तर यसले ३ राशिमा निकै नकारात्मक प्रभाव पार्ने सम्भावना छ। आउनुहोस् जानौं, ती ३ राशिहरु कुन-कुन हुन् र यी राशिका मानिसमा कस्तो असर पर्छ ?
शतभिषा नक्षत्रमा शनि गोचरको प्रभाव
वृष राशि
तपाईको स्वभावमा चिडचिडापन बढ्न सक्छ। आज सबै कुरा प्रतिक्रियात्मक हुन सक्छ। आर्थिक पक्षमा तपाईको अवस्था बिग्रन सक्छ । अप्रत्याशित खर्चले आम्दानीलाई असर गर्नेछ। कामदारको जीवनमा कठिनाइ बढ्न सक्छ।
कामको दबाबले तनाव निम्त्याउन सक्छ। व्यापारमा मन्दी आउने सम्भावना छ । साथै, केही नीतिहरूको सन्दर्भमा कानुनी विवाद हुन सक्छ। परिवारमा केही विषयलाई लिएर तनाव बढ्न सक्छ। प्रियजनहरूसँग मतभेद वा झगडा हुन सक्छ।
कर्कट राशि
तपाईको स्वभावमा आलस्यको प्रवृत्ति बढ्नेछ। तपाईको आलटाल गर्ने नीतिले हरेक कामलाई असर गर्नेछ। आर्थिक रुपमा यो समय तपाईका लागि अनुकूल छैन । आम्दानीका श्रोतहरु घट्दा आम्दानीमा कमी आउन सक्छ । जागिर खाने व्यक्तिको जीवनमा अस्थिरताको समय रहनेछ। मन अन्यौल रहनेछ, काममा असर पर्नेछ ।
व्यापारिक क्षेत्रमा तपाईको साझेदारीमा विवाद हुन सक्छ, जसका कारण व्यापारमा घाटा बढ्ने सम्भावना छ। आर्थिक समस्याको सामना गर्नु पर्न सक्छ। पारिवारिक जीवनमा तनाव रहनेछ, आमाबुवाको स्वास्थ्य सम्बन्धी समस्याले चिन्ता बढ्नेछ। स्वास्थ्य सम्बन्धी समस्या पनि बढ्न सक्छ।
वृश्चिक राशि
व्यापार व्यवसायमा प्रतिस्पर्धा बढ्नेछ । बढ्दो प्रतिस्पर्धात्मक दबाबका कारण तपाईले गलत निर्णय पनि लिन सक्नुहुन्छ। व्यापारमा घाटा हुनेछ । काममा चिन्ता बढ्नेछ। तनावका कारण निद्राको कमीले तपाईको स्वास्थ्यमा नकारात्मक असर पार्न सक्छ। कार्यालयमा तनाव बढ्ने सम्भावना छ ।
सहकर्मीहरूसँग विचारमा मतभेद हुन सक्छ। विद्यार्थीलाई अध्ययनमा रुचि रहनेछैन । तिनीहरूको एकाग्रता कम हुनेछ। परीक्षामा फेल हुन सक्छन् । दाम्पत्य जीवनमा जीवनसाथीसँगको सम्बन्धमा तिक्तता आउने सम्भावना छ । प्रेम सम्बन्धमा पार्टनरबाट धोका हुन सक्छ ।
