काठमाडौँ : – यो वर्ष चैत्र १२ गते फाल्गुण शुक्लपक्षको पूर्णिमाको दिन होली मनाइँदैछ र यसै दिन बिहान १० बजेर ३८ मिनेटदेखि दिउँसो ३ बजेर १७ मिनेटसम्म चन्द्रग्रहण लाग्दैछ। यद्यपि नेपालबाट यो ग्रहण देखिनेछैन।
वैदिक पञ्चाङ्ग अनुसार समय – समयमा चन्द्रग्रहण लाग्छ, जसको असर मानव जीवन र देश – दुनियाँमा देखिन्छ। यस्तो अवस्थामा यो चन्द्रग्रहणले सबै राशिका मानिसलाई असर गर्छ तर यस समयमा ३ राशिका भाग्य चम्किन सक्छ। यसका साथै यी राशिका व्यक्तिहरूलाई अप्रत्याशित आर्थिक लाभ पनि हुन सक्छ। जान्नुहोस् कुन राशिलाई शुभ प्रभाव पार्नेछ।
यी राशिको बदलिनेछ भाग्य…
१. मेष राशि : –
चन्द्रग्रहण यस राशिका व्यक्तिका लागि लाभदायक साबित हुनेछ। यस समयमा उनीहरुको भाग्योदय हुन् सक्छ। साथै उनीहरूको नियोजित योजनाहरू सफल हुने सम्भावना छ। त्यस्तै उनीहरुले अप्रत्याशित मौद्रिक लाभ पनि प्राप्त गर्न सक्छन्। यसका साथै उनीहरुको काममा सफलता मिल्ने प्रबल सम्भावना रहेको छ। यी व्यक्तिहरू आफ्नो जीवनसाथीसँग सम्बन्ध कायम राख्न सफल हुनेछन्। यसका साथै चन्द्रग्रहणपछि आफ्ना सन्तानसँग सम्बन्धित केही शुभ समाचार पनि पाउन सक्छन् ।
२. कर्कट राशि : –
यस राशिका व्यक्तिका लागि चन्द्रग्रहण अनुकूल साबित हुन सक्छ। यस समयमा उनीहरूले कुनै पनि वाहन वा सम्पत्ति किन्न सक्छन्। साथै यस समयमा मान-प्रतिष्ठा प्राप्त हुनेछन्। आफ्नो करियरको बारेमा कुरा गर्दा, उनीहरूले आफ्नो कार्यस्थलसँग सम्बन्धित मामिलामा सन्तुष्टि पाउनेछन्। यसका साथै कामको लागि यात्रा पनि गर्न सकिन्छ । यस समयमा यी व्यक्तिहरू पैसा बचत गर्नमा पनि सफल हुनेछन्। व्यवसायीले पनि आफ्नो काममा राम्रो नतिजा हात पार्ने देखिन्छ ।
३. कन्या राशि : –
चन्द्रग्रहणको कारण यो राशिका व्यक्तिहरूको लागि शुभ दिन सुरु हुनेछ। यो समयमा बेरोजगारहरुलाई नयाँ रोजगारीको अवसर मिल्ने छ । यसबाट उनीहरुको व्यक्तित्वमा सुधार आउँछ । यी मानिसहरूको बोलीमा दम देखिनेछ जसबाट मानिसहरु प्रभावित हुनेछन् । यसका साथै उनीहरुको जीवनसाथीसँगको सम्बन्ध पनि निकै राम्रो रहनेछ । साथै यस समयमा साझेदारी कार्यमा सफलता मिल्नेछ।
