काठमाडौँ : – ग्रहहरूका राजकुमार बुधले निश्चित समयपछि राशि परिवर्तन गरिरहन्छन्। जसले निश्चित रूपमा 12 राशिका जातकहरूको जीवनलाई कुनै न कुनै रूपमा प्रभाव पार्छ। ज्योतिष शास्त्रका अनुसार मङ्सिर ११ गते सोमबार बिहान बुध धनु राशिमा प्रवेश गर्नेछ, जहाँ पौष १२ गते बिहिबारसम्म रहनेछ।
एकादश भावको स्वामी भएर बुधले धनको भावमा गोचर गरेको छ। यस्तो अवस्थामा महाधन नामको योग निर्माण हुनेछ। यो योग निकै शुभ मानिन्छ । यो योग बन्दा मानिसले भौतिक सुख प्राप्त गर्छ। धनु राशिमा महाधन योग बन्ने भएकाले कुन-कुन राशिको भाग्य चम्किन्छ जानौं।
मेष राशि
यस राशिका व्यक्तिका लागि महाधन योग निकै लाभदायक साबित हुन सक्छ। किनभने यो राशिको नवौं घरमा महाधन योग बनिरहेको छ जुन भाग्य, लामो दुरीको यात्रा आदिसँग सम्बन्धित मानिन्छ। यस्तो अवस्थामा यो राशिका व्यक्तिहरुलाई विदेश जाने मौका मिल्न सक्छ । तपाईको बोली धेरै प्रभावशाली रहनेछ, जसका कारण तपाईले लाभ मात्र प्राप्त गर्नुहुनेछ।
उच्च शिक्षाको लागि योजना बनाउने व्यक्तिहरूले पनि लाभ प्राप्त गर्न जाँदैछन्। धार्मिक स्थलको दर्शन गर्न जान सकिनेछ । यसका साथै दाजुभाइ तथा दिदीबहिनीबाट पूर्ण सहयोग मिल्नेछ । व्यापार व्यवसायमा अपार सफलता र लाभ पनि मिल्नेछ ।
मिथुन राशि
यस राशिका लागि पनि महाधन योगले खुशी ल्याउनेछ । भाग्यले पूर्ण साथ दिनेछ। पार्टनरसँग राम्रो समय बित्नेछ। परिवारबाट पूर्ण सहयोग मिल्नेछ । यसबाट तपाईले हरेक क्षेत्रमा ठूलो उचाइ हासिल गर्न सक्नुहुन्छ। अविवाहितलाई विवाहको प्रस्ताव आउन सक्छ ।
यदि तपाई सवारी साधन वा सम्पत्ति किन्न योजना बनाउनुहुन्छ भने, तपाईको सपना यस समयमा पूरा हुन सक्छ। बुधलाई व्यापारको कारक मानिन्छ। यस्तो अवस्थामा व्यापारमा अपार सफलता र आर्थिक लाभ पनि हुन सक्छ। स्वास्थ्य पनि राम्रो रहनेछ ।
धनु राशि
यस राशिका व्यक्तिहरुका लागि पनि महाधन योग निकै लाभदायक साबित हुन सक्छ । यस राशिमा बुध ग्रह लग्न भावमा गोचर गर्दैछ। यस्तो अवस्थामा यो राशिका व्यक्तिहरुलाई भाग्यको पूर्ण सहयोग मिल्न सक्छ । आर्थिक स्थिति बलियो हुनेछ। जो अविवाहित छन्, उनीहरूको खोज पूरा हुन सक्छ किनभने उनीहरूले उपयुक्त जीवन साथी पाउन सक्छन्।
व्यापार व्यावसायमा संलग्न व्यक्तिले पनि फाइदा लिन सक्नेछन् । परिवारसँग राम्रो समय बिताउनुहोला। दाम्पत्य जीवन सुखमय रहनेछ। यसका साथसाथै रोजगारी भएका व्यक्तिहरूले धेरै कामको प्रस्ताव पनि पाउन सक्छन्।
