काठमाडौँ : – बुद्धिको देवता र ग्रहहरूको राजकुमार बुध ग्रह एक निश्चित अवधि पछि आफ्नो राशि परिवर्तन गरी वक्री या मार्गी हुन्छन्। बुध एक राशिमा करिब २३ दिनदेखि २८ दिनसम्म रहन्छ। यस्तो अवस्थामा भदौ ३० गते शनिबार दिउँसो १ बजेर ३६ मिनेटमा सिंह राशिमा मार्गी हुँदैछ। सूर्यको राशिमा सिधा चाल चल्दा केही राशिलाई लाभ मिल्नेछ भने केही राशिका जातकहरुले सावधानी अपनाउनु आवश्यक छ। आउनुहोस् बुध ग्रह मार्गी हुँदा देश – दुनियाँ देखि राशिफलमा कस्तो प्रभाव पर्छ भन्ने कुरा जानौं।
सूर्यको राशिमा बुध ग्रहको उपस्थितिले व्यक्तिले समाजमा मान-सम्मान प्राप्त गर्नेछ, आत्म-विश्वास, बौद्धिक क्षमताको साथसाथै रचनात्मकतामा वृद्धि हुनेछ। बुध र सूर्यको बीचमा मित्रताको भावना छ। यस्तो अवस्थामा दुवै ग्रह मिलेर व्यक्तिलाई साहसी, दृढ र प्रभावशाली बनाउँछ।
बुध मार्गी हुँदा देश-दुनियामा पर्ने असर : –
सिंह राशिमा बुध मार्गी हुँदा देश – दुनियाँमा निकै असर पर्ने देखिन्छ। विशेष गरी राजनीतिज्ञ, मार्केटिङ, पिआर, पत्रकारिता जस्ता क्षेत्रमा काम गर्ने व्यक्तिहरु प्रभावित हुनेछन्। राजनीतिज्ञहरूले आमजनताबाट पूर्ण समर्थन प्राप्त गर्नेछन्। उच्च पदमा रहेका व्यक्तिहरूले पनि सफलता हात पार्न सक्छन्।
बुधलाई व्यापारको लागि जिम्मेवार ग्रह मानिन्छ। यस्तो अवस्थामा, व्यवसाय गर्ने व्यक्तिहरूले ठूलो सफलताको साथ ठूलो कम्पनीसँग सम्झौता गर्न सक्छन्। यस्तो अवस्थामा राम्रो नाफा कमाउन सकिन्छ । यसका साथसाथै रोजगारी खोज्नेहरूले पनि सफलता हात पार्न सक्छन्। यस बाहेक रचनात्मक र कलात्मक कार्यमा संलग्न व्यक्तिहरूले धेरै लाभ प्राप्त गर्ने सम्भावना छ। लेखन, साहित्य, ब्लगर, ट्राभल शोदेखि कलाकार, गायक, नर्तक आदिले पनि फाइदा लिन सक्छन् ।
बुध मार्गी हुँदा शेयर बजारमा असर : –
सिंह राशिमा बुध मार्गी हुँदा शेयर बजारमा ठूलो प्रभाव पर्ने देखिन्छ किनकी सिंह राशि अग्नि तत्वको राशि हो । यस्तो अवस्थामा बुध र सूर्य दुवैलाई मुख्य ग्रह मानिन्छ। यस्तो अवस्थामा सेयर बजारमा ठूलो असर पर्न सक्छ। यस्तो अवस्थामा सेयर बजार पहिलेको तुलनामा अलि राम्रो हुन सक्छ ।
बुध मार्गी हुँदा राशिहरुमा पर्ने असर : –
सिंह राशिमा बुध सिधा चाल चल्दा १२ राशिका जीवनमा शुभ या अशुभ असर पर्ने देखिन्छ। मेष, कन्या, वृश्चिक, धनु र मकर राशिका जातकले थोरै सावधानी अपनाउनु पर्नेछ। बुध मार्गी हुँदा यी राशिका जातकलाई भाग्यले कम साथ दिनेछ। यसका साथै धन खर्चले मनलाई चिन्तित तुल्याउनेछ। घरपरिवारमा कुनै विषयमा विवाद हुनसक्छ।
