मेष राशि
यसपालि नयाँ लगानी, जागिर वा रोजगारले खासै अनुकूल सफलता नदिन सक्छ। वैदेशिक रोजगारमा रहेकाहरूलाई भने यो वर्ष अनुकूल रहला। जागिरेलाई पदोन्नतीको सम्भावना प्रबल रहेको छ, शनि राहु र केतुको प्रभावले विद्या र बुद्धिमा केही कमजोरी आउन सक्छ।
वृष राशि
यो वर्ष नयाँ रोजगार पाइने र वैदेशिक क्षेत्रबाट पूर्ण सफलता मिल्ने सम्भावना उच्च रहेको छ। सरकारी जागिरको लागि तयारी गर्ने मानिसले निकै परिश्रम गर्नुपर्ने देखिन्छ। सामाजिक र राजनैतिक क्षेत्रमा रहेका मानिसहरुले यो वर्ष सफलता प्राप्त गर्नेछन्।
मिथुन राशि
यो वर्ष नयाँ रोजगारको अवसर मिल्नेछ। सरकारी पद र ठूला सङ्घ संस्थामा आवद्ध पनि हुन सकिनेछ। अनावश्यक वादविवादमा नपर्नु कै राम्रो हुनेछ। आफ्नो पेशाबाट राम्रो फाइदा मिल्नेछ।
कर्कट राशि
स्वास्थ्य, सेवा र निर्माण क्षेत्रमा लागेका मानिसलाई राम्रो लाभ मिल्नसक्छ। सामाजिक क्षेत्रमा उच्च मान सम्मान प्राप्त हुनेछ। शिक्षा क्षेत्रमा रहेका मानिसले पदोन्नती प्राप्त गर्न सक्छन्।
सिंह राशि
यो वर्ष व्यापार वा रोजगारीको क्षेत्रबाट आम्दानी घट्नेछ। नयाँ ठाउँमा लगानीको अवसर मिल्नेछ। शत्रुलाई पाखा लगाउँदै नतिजा आफ्नो पक्षमा ल्याउन सकिनेछ।
कन्या राशि
वैदेशिक क्षेत्रका काम बन्ने र रोजगारीको राम्रो अवसर मिल्ने देखिन्छ। निजी क्षेत्रमा रहेका कर्मचारीको जागिरमा बढोत्तरी तथा पदोन्नति हुने सम्भावना उच्च रहेको छ। साझेदारीमा गरिएको लगानी फलदायी नहुन सक्छ।
तुला राशि
कार्यक्षेत्रमा तपाईंलाई नगरेको कामको पनि आरोप लाग्न सक्छ, सजग रहनुहोला। पेशा वा रोजगारमा कामको दबाब र तनाव बढ्न सक्छ। सामूहिक व्यवसायमा पनि खासै राम्रो सफलता प्राप्त हुनेछैन।
वृश्चिक राशि
वैदेशिक रोजगारमा जना इच्छुक रहेका मानिसले सफलता प्राप्त गर्ने सम्भावना पनि रहेको छ। पर्यटन र प्राविधिक क्षेत्रका पेशाकर्मीहरूले राम्रो सफलता हात पार्नेछन्। सामाजिक क्षेत्रबाट पनि ख्याति कमाउने उच्च सम्भावना रहेको छ।
धनु राशि
यो वर्ष लगानी गरेको ठाउँबाट त्यति लाभ नमिल्न पनि सक्छ। त्यसैले, कुनै पनि क्षेत्रमा लगानी गर्दा सोचेर बुझेर मात्र गर्नुहोला। सरकारी जागिरेलाई पदोन्नतीको सम्भावना रहेको छ।
मकर राशि
२०७९ सालमा तपाईंको कार्य क्षेत्रमा झमेला आउन सक्नेछ। सरकारी कर्मचारीहरूले विशेषगरी यो समय त्यति शुभ नरहला, सजग रहनुहोला।राजनैतिक क्षेत्रमा पनि विविध समस्या र संघर्ष खेप्नु पर्ला।
कुम्भ राशि
यो वर्ष नयाँ रोजगार वा व्यवसायको सुरुवात हुने राम्रो योग रहेको छ। सामाजिक, वैदेशिक, राजनैतिक तथा कूटनैतिक क्षेत्रका व्यक्तिहरूलाई निकै राम्रो हुनेछ, तर अपजसको सामना भने गर्नुपर्ला।
मीन राशि
यो वर्ष नयाँ कार्यको थालनी र गरेको लगानीले राम्रो सफलता प्राप्त गर्नेछ। वैदेशिक रोजगार भने सामान्य नै रहला। मनोरञ्जन पेशामा आवद्ध व्यक्तिहरूलाई भने बढी सफलता मिल्नेछ।
