हरेक दिन ग्रह-नक्षत्रको स्थितिमा हुने परिवर्तनको आधारमा राशिफल निर्धारण गरिन्छ । अहिले असोज महिना सुरु भएको छ । यस महिना ग्रह-नक्षत्रको स्थितिको कारण केही राशिलाई शुभ हुने भएको छ भने केही राशिले समस्याको सामना गर्न पर्ने हुन्छ । जान्नुहोस् असोज महिना कुन-कुन राशिलाई शुभ हुनेछ भने कुन राशिका व्यक्ति समस्यामा पर्नेछन् ।
मेष राशि
असोज महिना मेष राशि भएका व्यक्तिलाई सामाजिक र राजनैतिक क्षेत्रमा सफलता मिल्ने देखिन्छ । यस समयमा गरेका कार्यबाट सजिलै आफू निकटका व्यक्तिको मन जित्न सकिनेछ । आफूलाई मन परेको व्यक्तिलाई प्रेम प्रस्ताव राख्न उचित समय रहेको छ । लामो समय देखिको रोकिएको कममा सफलता मिल्नेछ । आर्थिक लगानी गरेको स्थानबाट मनग्य लाभ हुने सम्भावना रहेको छ । यस समयमा शनिबारको दिन शनि मन्दिरको दर्शन गर्नाले समय शुभ रहनेछ ।
वृष राशि
असोज महिनामा वृष राशिका व्यक्तिलाई अध्ययन क्षेत्रमा सफलता मिल्ने सङ्केत देखिन्छ । निकट व्यक्तिको परिवारमा सम्पन्न हुने धार्मिक- सांस्कृतिक गतिविधिमा संलग्न हुने अवसर मिल्नेछ । यस समयमा प्रेम सम्बन्ध सुमधुर हुनेछ । यस समयमा गरेको निर्णय गलत हुनसक्छ त्यसैले अग्रज व्यक्तिको सल्लाह लिनु उचित हुनेछ । सवारी साधन चलाउँदा वा यात्रा गर्दा सचेत हुनुपर्छ । यस समयमा कुनै पनि शुभ कार्य गर्नु पूर्व भगवान विष्णुको आराधना गर्नु शुभ हुनेछ ।
मिथुन राशि
यस महिना मिथुन राशिका व्यक्तिलाई नयाँ योजनामा कम गर्न मुस्किल पर्ने देखिन्छ । स्वास्थ्यमा समस्या आउन सक्ने हुँदा सजग रहन होला। प्रेमी सम्बन्धमा विचार नमिल्दा दुरी बढ्न सक्छ । महिनाको अन्त्यबाट अग्रज व्यक्तिको सहयोग प्राप्त हुनेछ । सामाजिक क्षेत्रमा रोकिएका कमबाट सफलता मिल्नेछ । घर-जग्गा खरिद तथा बिक्रीबाट लाभ हुने योग छ । यस महिना हरेक दिन हनुमान चालिसको पाठ गर्नाले शुभ हुनेछ ।
कर्कट राशि
महिना उपलब्धिले भरिपूर्ण हुन सक्छ। कार्यस्थल र व्यापारमा नयाँ योजनामा काम सुरु गर्न सकिनेछ। कला र सङ्गीतमा रुचि बढ्नेछ। महत्त्वपूर्ण व्यक्तिहरूसँग भेटघाट गर्न सकिनेछ। कार्यस्थल र व्यापारमा सम्बन्ध लाभदायक हुनेछ। परिवारको सहयोग मिल्नेछ । दाम्पत्य जीवनमा मधुरता रहनेछ। विपक्षीलाई जिताउन सकिनेछ । स्वास्थ्य सामान्य रहनेछ।
सिंह राशि
असोज महिना मिश्रित प्रभाव प्राप्त हुनेछ। काम र व्यापारमा संयमपूर्वक काम गर्नुहोस्। आर्थिक मामिलामा सजग रहनुहोला । नयाँ योजनाहरूमा काम सुरु गर्नु अघि, अनुभवी व्यक्तिसँग सल्लाह लिनुहोस्। विवादको स्थितिबाट टाढा रहनुहोस्। आफ्नो बोली र क्रोधलाई नियन्त्रण गर्नुहोस्। काममा अवरोध आउन सक्छ । परिवारमा कसैको स्वास्थ्यमा असर पर्न सक्छ। मानसिक तनावले सताउन सक्छ । सवारी साधन प्रयोग गर्दा सावधानी अपनाउनुहोला । घर बाहिर निस्कँदा भगवान गणेशको दर्शन गर्नु शुभ हुनेछ ।
कन्या राशि
महिना उपलब्धिले भरिपूर्ण रहनेछ। कार्यस्थल र व्यापारमा वातावरण अनुकूल रहनेछ। पहिले देखि नै रहेका समस्याहरूको समाधान पाउनुहुनेछ। भाग्यले साथ दिनेछ। परापूर्व कालदेखि चल्दै आएको कुनै पनि समस्याको समाधान हुनेछ। व्यापारमा लाभको अवसर मिल्नेछ । खर्च धेरै हुनेछ। परिवारमा खुसीको वातावरण रहनेछ। दाम्पत्य जीवनमा मधुरता रहनेछ। तपाईको स्वास्थ्य सामान्य रहनेछ। यस महिना काल भैरवको दर्शन गर्नु शुभ हुनेछ ।
तुला राशि
तुला राशिका व्यक्तिलाई असोज महिना कार्य र व्यापारको क्षेत्रमा मिश्रित परिणाम दिनेछ। महत्त्वपूर्ण कुराहरू विचार गरेर मात्र निर्णय लिनुहोस्। कार्यस्थल र व्यापारमा नयाँ योजनामा काम सुरु नगर्नुहोस्। आर्थिक मामिलामा सजग रहनुहोला । काम र व्यवसायमा परिवर्तन आउन सक्छ। परिवारको सहयोग मिल्नेछ । विद्यमान पारिवारिक समस्या समाधान हुनेछ। मौसम परिवर्तनले तपाईको स्वास्थ्यमा असर पार्न सक्छ। तुला राशिका व्यक्तिलाई यस महिना देवी मन्दिरको दर्शन गर्नु शुभ हुनेछ ।
वृश्चिक राशि
वृश्चिक राशिका व्यक्तिलाई असोज महिना कार्यस्थल र व्यापारमा वातावरण अनुकूल रहनेछ। महत्त्वपूर्ण व्यक्तिहरूसँग भेटघाट हुनसक्छ। काम र व्यापारमा सम्बन्धबाट लाभ मिल्नेछ। व्यापारमा लाभको अवसर मिल्नेछ तर प्रतिस्पर्धाको स्थितिबाट टाढै रहनु होला । परिवारमा धार्मिक कार्यक्रम हुनसक्छ । विद्यार्थीहरूले प्रतिस्पर्धात्मक परीक्षामा सफलता हात पार्न सक्छन्। पेटसम्बन्धी रोगले सताउन सक्छ। यस महिना सूर्य देवको स्मरण कार्य आरम्भ गर्दा शुभ हुनेछ ।
धनु राशि
धनु राशिका व्यक्तिलाई असोज महिना कार्यस्थल र व्यापारमा वातावरण कम अनुकूल रहनेछ। नयाँ योजनामा काम सुरु नगर्नुहोस्। जोखिमपूर्ण मामिलाहरूमा निर्णयहरू तत्कालका लागि स्थगित गर्नुहोस्। व्यापार व्यवसायमा कमै लाभ मिल्नेछ । व्यापार प्रतिस्पर्धाको स्थितिबाट टाढा रहनुहोस्। व्यापारको सिलसिलामा यात्राको योजना बन्न सक्छ। शारीरिक थकानले तपाईलाई छोएको हुन सक्छ। मानसिक तनावले सताउन सक्छ । यस महिना कुल देवतालाई स्मरण गरी कार्य आरम्भ गर्नाले सफलता मिल्नेछ ।
मकर राशि
मकर राशिका लागि असोज महिना अधुरा काम सजिलै सम्पादन हुने देखिन्छ। उत्साहले भरिपूर्ण रहनेछ । कार्यस्थल तथा व्यवसायमा जिम्मेवारी पाउन सकिनेछ । प्रतिष्ठित व्यक्तिहरू सहयोगी बन्नेछन्। व्यापारमा लाभको अवसर मिल्नेछ । खर्च धेरै हुनेछ। परिवारको सहयोग मिल्नेछ । दाम्पत्य जीवनमा मधुरता रहनेछ। अहङ्कारको भावनाबाट टाढा रहनुहोस्। सन्तान पक्षबाट शुभ समाचार प्राप्त हुन सक्छ। तपाईको स्वास्थ्य सामान्य रहनेछ।
कुम्भ राशि
कुम्भ राशिका व्यक्तिलाई असोज महिना कार्यस्थल र व्यापारमा वातावरण अनुकूल रहनेछ। नयाँ योजनामा काम सुरु गर्न सकिनेछ । व्यापारमा लाभको अवसर मिल्नेछ । परिवारसँग समय बिताउने अवसर मिल्नेछ। आफ्नो व्यवहारमा नम्र हुनुहोस्। परिवारमा कसैको स्वास्थ्यमा असर पर्न सक्छ। मानसिक तनावले सताउन सक्छ । सन्तान पक्षबाट शुभ समाचार प्राप्त हुन सक्छ। कुम्भ राशिका व्यक्तिले असोज महिना विष्णु भगवानको दर्शन गर्नाले शुभ परिणाम मिल्नेछ ।
मीन राशि
असोज महिना मीन राशिका व्यक्तिले नयाँ योजनामा काम सुरु गर्न सकिनेछ । कार्यस्थलमा नयाँ जिम्मेवारी पाउन सकिनेछ । व्यापार व्यवसायमा आकस्मिक लाभ मिल्नेछ । लगानी गर्नु अघि अनुभवी व्यक्तिसँग परामर्श लिनुहोस्। विवादको स्थितिबाट टाढा रहनुहोस्। परिवारमा खुसीको वातावरण रहनेछ। दाम्पत्य जीवनमा मधुरता रहनेछ। तपाईको स्वास्थ्य सामान्य रहनेछ। मीन राशिका व्यक्तिले असोज महिना शक्ति पीठको दर्शन गर्नाले शुभ हुनेछ ।
