काठमाडौँ । ग्रहहरुले व्यक्तिको जीवनमा धेरै प्रभाव पार्छ । ग्रहहरुकै स्थितिको आधारमा कुण्डली र राशि निर्धारण गर्ने गरिन्छ। हरेक व्यक्तिको भाग्य व्यवहार र आचरण, र भविष्य समेत राशी अनुसार फरक-फरक हुन्छ।
जन्मकुण्डलीमा भरहेको विभिन्न ग्रहको प्रभाव अनुसार राशीको भविष्य निर्धारण हुने ज्योतिष शास्त्रमा उल्लेख छ । सफल हुने र धेरै कमाउने रहर सबैमा हुन्छ तर कोहीको भाग्य यस्तो हुन्छ जसले जति धेरै कडा परिश्रम गरेपनि सफलता पाउन सक्दैनन् ।
यद्यपी कोहि भने जीवनमा कम मिहिनेतले छिट्टै पनि प्रगति गर्छन्। सजिलै सानो उमेरमा प्रगति गर्ने र द्रुत गतिमा सफलताको सिंढी चढ्ने राशि निम्न छन्।
सिंह राशि
यस राशिका व्यक्तिहरु धेरै परिश्रमी हुन्छन्। कडा परिश्रमको अतिरिक्त सिंह राशि हुनेहरुको दिमाग पनि ज्यादै तेज चल्छ। परिश्रम, दिमाग र भाग्यको कारण सिंह राशि हुनेहरु जीवनमा छिट्टै प्रगति गर्छन्। जीवनमा आउने हरेक दुखसँग लड्ने मात्र नभई हरेक समस्यालाई पाखा लगाएर जहिले पनि सिंह राशि हुनेहरु सफलताको सिंढी चढ्छन्।
कन्या राशि
कन्या राशि हुनेहरु हरेक निर्णय सोच-बिचार गरेर मात्र लिन्छन्। परिश्रमी र बुद्धिमानी भएको कारण पनि यिनीहरुलाई सजिलै सफलता मिल्छ। जस्तोसुकै परिस्थितीको पनि सामना गर्न सक्ने क्षमता भएको कारण जीवनमा कन्या राशि हुनेहरु सफल हुन्छन्। अनुशासनको कारण पनि कन्या राशिमा हुनेहरुलाई जीवनमा सजिलै सफलता मिल्छ।
कुम्भ राशि
सानै उमेर देखि आफ्नो लक्ष्य प्रति स्पष्ट रहने हुँदा कुम्भ राशि हुनेहरु जीवनमा छिट्टै प्रगति गर्छन्। आत्मविश्वासको कारण पनि कुम्भ राशिहरु प्रगति आत्मसाथ गर्छन्। जुनै पनि काममा पूर्णता चाहने कुम्भ राशिहरु अन्य व्यक्तिहरुको लागि पनि प्रेरणाको श्रोत बन्छन्। जीवनमा आइपरेका संघर्षसँग लड्न पनि कुम्भ राशि हुनेहरु पछि पर्दैनन्।
