प्रीति आत्रेय ज्ञवाली, फलितज्योतिषाचार्य
मेष – चु,चे,चो,ला,लि,लु,ले,लो,अ (Aries )
पारिवारिक सुख एवं समृद्धि वृद्धि हुनेछ । आफ्ना प्रियजनसित भेटघाट गर्ने अवसर जुट्नेछ । छोराछोरीको खुसीका लागि कुनै कुरामा सम्झौता गर्नुपर्ला । खर्च बढ्न सक्छ । व्यावसायिक क्षेत्र सन्तोषप्रद रहनेछ । आफ्नो खानपान, स्वास्थ्य एवं व्यायाममा ध्यान दिए सम्भावित स्वास्थ्य समस्याबाट जोगिन सकिन्छ ।
वृष – इ,उ,ए,ओ,वा,वि,वु,वे,वो (Taurus )
साथीसंगीहरूसित रमाइलो भेटघाट गर्ने अवसर जुट्नेछ । मनमा कुनै नयाँ काम गर्ने सोच आउनसक्छ । रक्तचापमा घटबढ हुनसक्ने भएकाले खानपानमा सजग रहनुहोला । आर्थिक एवं व्यावसायिक क्षेत्र सुदृढ रहनेछन् । कुनै कुरालाई लिएर श्रीमान्सित छलफल हुनसक्छ । अपजस पाइने सम्भावना भएकाले बोली एवं व्यवहारमा सजगता अपनाउनुहोला ।
मिथुन – का,कि,कु,घ,ङ,छ,के,को,ह (Gemini )
मनको चिन्ता हट्नुका साथै शरीर पनि स्वस्थ रहनेछ । योजनानुसार सबै काम सफल हुँदै जानेछन् । विशेष कामले यात्रा गर्नुपर्ला । कसैकसैलाई मान–सम्मान प्राप्त गर्ने अवसर जुट्नसक्छ । पारिवारिक सुख एवं समृद्धि बढ्नेछ । कहीँकतैबाट कुनै कुराको लाभ हुनेछ । काम गर्दा विभिन्न माध्यमबाट सहयोग मिल्नेछ । सोचेअनुरूप कार्य सम्पन्न गर्न पाउँदा मन प्रसन्न होला ।
कर्कट – हि,हु,हे,हो,डा,डि,डु,डे,डो (Cancer )
काम गर्दा कहिलेकाहीँ कुनै बाधा सिर्जना हुनसक्छ । सकेसम्म आफ्नो काम आफै गर्ने प्रयास गर्नुहोला । गृहिणीहरूको घर खर्च केही बढ्नेछ । दाम्पत्य जीवन समझदारीपूर्वक सुखमय ढंगले बित्नेछ । छोराछोरीबाट सुख एवं सन्तोष मिल्नेछ । टाउको एवं आँखा दुख्ने समस्या हुनसक्छ । सन्तुलित आहार खाने एवं प्रशस्त मात्रामा पानी पिउने कुरामा जोड दिनुहोला ।
सिंह – म,मि,मु,मे,मो,ट,टि,टु,टे (Leo )
कुनै कामविशेषले यात्रा गर्नुपर्ला । व्यक्तिगत कार्यमा सफलता मिल्नेछ । विभिन्न कुराको लाभ हुनेछ । दाम्पत्य जीवनमा सुख एवं समझदारी कायमै रहनेछ । सहयोगी हातहरू पछि हट्नसक्छन्, सकेसम्म आफ्नो कार्य आफै गर्ने प्रयास गर्नुहोला । पारिवारिक सुख मिल्नुका साथै आफ्नो इच्छानुसार समय बिताउने अवसर जुट्नेछ ।
कन्या – टो,प,पी,पु,ष,ण,ठ,पे,पो (Virgo)
पारिवारिक वातावरण सुखमय रहनेछ । अनावश्यक खर्च हुने सम्भावना छ । प्रतिस्पर्धीहरूबाट टाढै रहनुहोला । कसैसँग कुराकानी एवं व्यवहार गर्दा ध्यान पुर्याउनुपर्नेछ । दाम्पत्य जीवनमा एक–अर्काको मनोभाव बुझी काम गर्ने प्रयास गरे सम्भावित खटपट टर्नसक्छ । काम गर्दा आफूलाई चित्त नबुझेको कुरा कारण खुलाई राम्रोसँग प्रस्ट्याउन सके मनमा कुनै तुष रहने छैन ।
तुला – रा,री,रु,रे,रो,त,ति,तु,ते (Libra)
काममा सफलता हात पर्नेछ । मान–सम्मान पनि प्राप्त होला । दाम्पत्य जीवनको समझदारी कायमै रहनेछ । छोराछोरीबाट पनि अपेक्षित सुख–सन्तोष मिल्नेछ । घुमघाम गर्ने संयोग जुट्नसक्छ । प्रायः सबै काम आफ्नै प्रभुत्वमा योजनाअनुसार सम्पन्न हुनेछन् । शैक्षिक, सामाजिक, न्यायिक एवं प्रतियोगितात्मक क्रियाकलापमा सफलता हासिल हुनेछ ।
वृश्चिक – तो,ना,नि,नु,ने,नो,य,यी,यु (Scorpio)
इच्छानुसार सबै काम क्रमबद्ध रूपले पूरा हुँदै जानेछन् । दाम्पत्य जीवनमा अपेक्षित माया, सहयोग एवं समझदारी कायम रहनेछ । व्यावसायिक क्षेत्रमा सफल भइनेछ । शैक्षिक, न्यायिक, सामाजिक एवं प्रतियोगितात्मक क्रियाकलापमा सफलता प्राप्त होला । राम्रो गर्दागर्दै पनि अपजस आइलाग्नसक्ने भएकाले बोली एवं व्यवहारमा सजगता अपनाउनुपर्नेछ ।
धनु – ये,यो,भ,भि,भु,ध,फ,ढ,भे (Sagittarius)
कुनै नयाँ काममा सफलता मिल्नेछ । काम गर्दा कहिलेकाहीँ अवरोध सिर्जना भए पनि काम पूरा हुँदै जानेछन् । मन प्रसन्न भै काम गर्ने जाँगर बढ्नेछ । दाम्पत्य जीवन सुखमय रहनेछ । छोराछोरीबाट पनि सुख–सन्तोष प्राप्त हुनेछ । विभिन्न कुराको लाभ होला । अनावश्यक खर्चको योग भएकाले कुनै पनि कुरामा खर्च गर्दा सावधानी अपनाउनुपर्नेछ ।
मकर – (भो,ज,जी,जु,जे,जो,ख,खि,खु,खे,खो,ग,गी (Capricorn )
सानोतिनो कामका लागि यात्रा हुनसक्छ । पारिवारिक वातावरण सुखमय रहनेछ । दाम्पत्य जीवनको माया एवं समझदारी कायम रहनेछ । विभिन्न कुराको लाभ हुनेछ । व्यक्तिगत खुसीका लागि केही खर्च होला । कामविशेषले टाढा भएका आफन्तहरूसँग भेटघाट गर्ने मौका जुट्नसक्छ । नयाँ व्यक्तिसित मित्रता गाँस्ने मौका मिल्नसक्छ ।
कुम्भ – गु,गे,गो,स,सी,सु,से,सो,द ( Aquarius)
योजनाअनुरूप काम सम्पन्न हुँदै गए पनि कुनै कुराले मनमा भ्रम उत्पन्न गर्नसक्छ । सकेसम्म शान्त रहने प्रयास गर्नुहोला । कामको धपेडीले स्वास्थ्यमा बाधा सिर्जना हुनसक्छ । आफ्नो स्वास्थ्य एवं खानपानका साथै व्यक्तिगत खुसीका लागि पनि केही समय छुट्याउनुहोला । महिनाको पहिलो तथा अन्तिम साता लाभप्रद रहनेछन् ।
मीन – दी,दु,थ,झ,ञ,दे,दो,च,ची (Pisces)
मनमा भएको तनाव हट्नुका साथै शरीर पनि स्वस्थ रहनेछ । उन्नति गर्ने अवसर जुट्नेछ । व्यावसायिक क्षेत्रबाट राम्रो धन लाभ हुनेछ । व्यक्तिगत खुसीका लागि केही खर्च हुनसक्छ । मान–सम्मानसमेत प्राप्त होला । प्रतिस्पर्धात्मक काममा सफलता पाइनेछ । दाम्पत्य जीवनको समझदारी कायमै रहनेछ । नयाँ मित्रता गाँस्ने अवसर जुर्नेछ ।
-नारी मासिकबाट
