काठमाडौँ, के तपाईलाई थाहा छ आफ्नो राशि तथा ग्रहले तपाईको जागिरमा सफलता दिन्छ र असफलता पनि दिलाउन सक्छ भनेर ? यदी थाहा छैन भने यसको कारण के हो ? र समस्याको समाधान कसरि गर्ने ? आउनुहोस् थाहा पाउनुहोस् :
मेष राशि : यो राशी भएका मानिसलाई जागिर पाउन समस्या हुन्छ । यो राशिको जागिर सामान्यतया बुध राशिसँग नियन्त्रित हुन्छ । यो समस्या समाधान गर्नका लागि विहान गणेशलाई दुबो चढाएर आराधना आवश्यक हुन्छ ।
वृष राशि: सामान्यतया वृष राशि भएका मानिसलाई जागिर पाउन निकै संघर्ष गर्नुपर्ने हुन्छ । यो राशी भएकाहरुले आफ्नो योग्यताअनुसार जागिर पाउन सक्दैनन्। यस समस्या समाधान गर्न भगवान शिवलाई सुगन्ध अपर्ण गर्नुपेर्ने हुन्छ ।
मिथुन राशि: मिथुन राशी हुने मानिसहरु रिसाहा र हतार गर्ने स्वभाव हुने भएकोले जागिर पाउन मुस्किल हुने गर्दछ।मिथुन राशिमा मंगल नोकरी पाउनका लागि जिम्मेवार हुन्छ । यसका लागि बिहान सधै हनुमान चालिसा पाठ गर्नु शुभ हुन्छ ।
कर्कट राशि: यो राशी भएका मानिसलाई जागिर पाउन खासै समस्या हुदैन। तर राम्रोसँग कार्य नगर्ने भएकोले यो राशी हुनेहरुको जागिर दीगो हुदैन। यो समस्या निराकरण लामो समयसम्म हरेक शनिवार दीयो बाल्नुपर्ने हुन्छ । साथै कर्कट राशि हुने मानिसको लागि शनि नोकरीका लागि जिम्मेवार ग्रह हो।
सिंह राशि : यो राशी हुने मानिसको जागिर चन्द्रमासँग निर्धारित हुन्छ । यिनीहरुलाई जागिर पाउन निकै संघर्ष गर्नुपर्ने हुन्छ । र जागिर पाएपनि अगाडी बढ्न निकै कठिन हुने गर्दछ। यो समस्या समाधान गर्न यस्ता मानिसले शिवलिंगमा दैनिक जल चढाउँदा फाइदा पुग्ने ज्यातिषशास्त्रको भनाई रहेको छ ।
कन्या राशि: यो भएका मानिसलाई सूर्य भगवानले जागिर दिनका लागि वातावरण तय गर्छ। यिनीहरुलाई सधै व्यवसाय गर्ने शोख हुन्छ । यदी जागिर पाउनमा समस्या भयो भने सूर्यको अगाडि गायन्त्री मन्त्र जप गर्नुपर्ने हुन्छ ।
तुला राशि: तुला राशि भएका मानिसको लागि वृहस्पतिको कृपा भाव पर्न आवश्यक छ । यिनिहरु जागिर छाडिरहन्छन् । यदी तपाईले जागिर पाउनुभएन भने केरा दान गर्नुहोस् फाइदा पुग्छ ।
वृश्चिक राशि : यो राशीका मानिस जोड तोड रहेका हुन्छ । जसका कारण जागिर नटिक्ने समस्या आउन सक्छ । यो समस्या समाधान गर्न हरेक साँझको समयमा सेतो वस्तु दान गर्नुपर्छ ।
धनु राशि: धनु राशि भएकाहरु आफ्नो खुसीले जागिर गर्न चाहन्छन् । जसले गर्दा जागिर पाउन समस्या हुन्छ । जागिर पाउनका लागि विहान हनुमान चालिसा पाठ गर्दा फाइदा हुन्छ ।
मकर राशि: यो राशि भएका मानिसलाई जागिरको व्यवस्था बुधले गर्छ । यी राशी भएकाहरुलाई जागिर भन्दा पनि आफ्नै व्यवसाय प्रति झुकाव बढी हुन्छ । यदी जागिर गर्न चाहनुहुन्छ र समस्या आइरहेको छ भने विहान गणेशजीलाई लड्डु चढाउँदा फाइदा हुन्छ ।
कुम्भ राशि: कुम्भ राशी भएका मानिसलाई चन्द्रमाको कृपाका कारण जागिरमा अवसर पाउँछन् । यो राशि भएकाहरु कसैको बन्धनमा बस्न रुचाउदैनन् । जसले गर्दा यो राशी भएका मानिसले गम्भीर भएर जागिरको खोजी गर्दैनन् । यदी खोज्दा पाउनुभएको छैन भने शिवलिंगमा चन्दन अर्पण गर्दा तपाईलाई फाइदा पुग्छ ।
मीन राशि : मीन राशि भएकालाई शनी देवको कृपाका कारण जागिर मिल्छ । यो राशि भएकाले तत्कालै जागिर पाउने गर्छन् । तर लापरवाहीका कारण कहिलेकाही पाउन लागेको जागिर गुमाउने गर्छन। यिनीहरुले सरकारी जागिर पाउने सम्भावना बढी हुन्छ ।
