एजेन्सी । नयाँ साल २०१८ को पहिलो ग्रहण खग्रास चन्द्रग्रहण हुनेछ जुन ३१ जनवरीको माघ शुक्ल पुर्णिमाको दिन पर्नेछ । चन्द्रग्रहण ३१ जनवरी साँझको ५ : १८ मा सुरु हुनेछ र रातको ८:४२ मा समाप्त हुनेछ , अर्थात उक्त ग्रहणको समयावधि कुल ३ घण्टा २४ मिनेट हुनेछ । यो ग्रहण कर्कट राशि र पुष्य अश्लेषा नक्षत्रमा हुनेछ । यस ग्रहणले मानिसमा प्रत्यक्ष वा अप्रत्यक्ष रुपमा प्रभाव पारिरहेको हुन्छ। त्यसैले, आउनुहोस यो ग्रहणले सबै राशिमा कसरी प्रभाव पार्छ त भन्ने बारे जानकारी लिऔं।
मेष राशि – चु, चे, चो, ला, लि, लु, ले, लो, अ (Aries)
मेष राशि हुने व्यक्तिको लागि यो ग्रहण अनिष्ट र अशुभ फलदायक रहन्छ। यस राशिका मानिसलाई उक्त समयमा मानसिक अशान्ति र कष्टको अनुभव हुनेछ।
बृष राशि – इ, उ, ए, ओ, बा, बि, बु, बे, बो (Taurus)
वृष राशिको निम्ति यो ग्रहण अनुकूल फल दिने सावित हुनेछ । यस राशिहरुका लागि धनको लाभ हुने शुभ योग रहेको छ।
मिथुन राशि – का, कि, कु, घ, ङ, छ, के, को, ह (Gemini)
मिथुन राशिका मानिसहरुका लागि यो चन्द्रग्रहण अशुभफलदायक रहनेछ। आर्थिक क्षतिको सम्भावना रहेको छ। परिवारमा तनाव उत्पन्न हुन् सक्छ।
कर्कट राशि – हि, हु, हे, हो, डा, डि, डु, डे, डो (Cancer)
कर्कट राशिहरुका लागि यो ग्रहण अत्यन्तै अशुभ रहेको छ। शारिरिक समस्या या कुनै हाडसँग सम्बन्धित रोगको शिकार बन्न सक्छ। यस समय यस राशि हुने व्यक्तिले विशेष सावधानी अपनाउनुपर्ने देखिन्छ।
सिंह – मा, मि, मु, मे, मो, टा, टि, टु, टे (Leo)
यस राशिका व्यक्तिहरुका लागि व्यापारमा नोक्सानी हुन सक्छ। आर्थिक हानिको आशंका प्रबल रहेको छ। कुनै वादविवादको चक्करमा फस्ने योग देखिएको छ ।
कन्या – टो, प, पि, पु, ष, ण, ठ, पे, पो (Virgo)
कन्या राशिहरुका लागि यो ग्रहण शुभ फलको प्राप्तिको सम्भावना बन्न सक्छ । धनलाभ र उन्नतिको योग बन्न सक्छ ।
तुला – र, रि, रु, रे, रो, ता, ति, तु, ते (Libra)
तुला राशि हुने व्यक्तिहरुका लागि यो ग्रहण शुभ रहेको छ । सुख र समृद्धिमा वृद्धिको सम्भावनाको योग छ। उक्त समयमा यस राशि हुने व्यक्तिले कुनै यस्तो व्यक्तिसँग भेट हुने सम्भावना छ जो भविष्यमा उनीहरुका लागि निकै नै फाइदा दिलाउने सावित हुनेछ।
बृश्चिक – तो, ना, नि, नु, ने, नो, या, यि, यु (Scorpio)
वृश्चिक राशिहरुका लागि यो ग्रहणको समयमा अपमान, धनहानि र असफल जस्ता संकटका भय रहेको छ। दाम्पत्य जीवनमा समस्या आउन सक्छ।
धनु – ये, यो, भ, भि, भु, ध, फा, ढ, भे (Sagittarius)
यस राशिहरुले विशेष सावधानी अपनाउनु आवश्यक छ। रोग, दुर्घटनाको शिकार बन्न सक्छ। मान-सम्मानमा गिरावट आउने आशंका देखिन्छ।
मकर – भो, ज, जि, खि, खु, खे, खो, गा, गि (Capricorn)
मकर राशि हुने व्यक्तिका वैवाहिक सम्बन्धमा सुखको कमी हुने संकेत देखिएको छ। जीवनसाथीसँग विवाद हुन सक्छ। कानुनी मामलाहरुमा कठिनाई आउन सक्छ।
कुम्भ – गु, गे, गो, सा, सि, सु, से, सो, द (Aquarius)
कुम्भ राशिहरुका लागि यो ग्रहण अत्यन्तै राम्रो रहेको छ। हरेक काममा सफलता मिल्नेछ। सुखको प्राप्ति सम्भव हुनेछ र शत्रु परास्त हुनेछ।
मीन – दि, दु, थ, झ, ञ, दे, दो, च, चि (Pisces)
मीन राशिहरुका लागि यो ग्रहण अशुभ फल दिने सावित हुनेछ। शारिरिक, मानसिक पीडा र चिन्ताहरुले सताउने अनिष्ट योग छ।
