काठमाडौँ – सेक्युरिटी प्रिन्टीङ प्रेसको खरिदमा ७० करोड कमिसनका बार्गेनिङ गरेको अडियो बाहिरिएको प्रति लागि सञ्चार तथा सूचना प्रविधिमन्त्री गोकुल बाँस्कोटाले आफ्नो धारणा सार्वजनिक भएका छन्।
विजय प्रकाश मिश्र शर्मासँग बार्गेनिङ गरेको भनिएको अडियो बारे बाँस्कोटाले बिहिबार(आज) दिउँसो आफ्नो धारणा सार्वजनिक गर्ने भएका हुन्। उनले आज दिउँसो मन्त्रालयमै पत्रकार सम्मेलन गरेर आफ्नो धारणा सार्वजनिक गर्ने बताइएको छ।
बताइएअनुसार, बाँस्कोटा अहिले कैलालीमा छन्। काठमाडौँ फर्किने तयारीमा रहेका उनले काठमाडौँ आइपुगेलगतै पत्रकार सम्मेलन गरेर आफ्नो धारणा सार्वजनिक गर्ने भएका छन्।
बिहिबार मन्त्रालयमा हुने मन्त्रिपरिषदको निर्णय सार्वजनिक गर्ने नियमित पत्रकार सम्मेलनकै क्रममा उनले आफ्ना धारणा सार्वजनिक गर्ने बताइएको छ।
बिहिबार बिहानै मन्त्री बास्कोटा र स्वीस कम्पनीका स्थानीय एजेन्ट विजय प्रकाश मिश्र शर्मा बीचको संवादको अडियो सार्वजनिक भएको थियो। जसमा कमिसनका विषयमा संवाद चलिरहेको सुनिएको छ।
सम्वन्धित समाचार…
