काठमाडौँ – नेपाल प्रहरीका एक प्रहरी निरीक्षक (इन्सपेक्टर)ले ड्युटी गरिरहेका प्रहरी जवानलाई कु-टपिट गरेको भिडियो सार्वजनिक भएको छ।
भिडियो अनलाइन मिडिया ‘रातोपाटि’ले सार्वजनिक गरेको हो। भिडियो सार्वजनिक गर्दै उसले ड्युटीमा रहेका प्रहरी जवान बलबहादुर विश्वकर्मा माथि कु-टपिट भएको उसले खुलासा गरेको छ।
‘रातोपाटि’का अनुसार प्रहरी जवान माथि कुटपिट गर्ने प्रहरी अधिकारी प्रहरी निरीक्षक विक्रम सुवेदी रहेका छन्। महानगरीय प्रहरी वृत्त सिंहदरबारमा कार्यरत सुवेदीले विश्वकर्मा माथि स्यालुट नगरेको निहुँमा कु-टपिट गरेको बताइएको छ।
के छ भिडियोमा ?
भिडियोमा एक सदा पोशाकमा रहेका एक व्यक्तिले एक प्रहरी माथि हात-पात गरेको देखिएको छ। ती व्यक्तिले हात-पात गरिरहँदा अन्य दुई जना प्रहरीपनि त्यहि रहेको भिडियोमा देख्न सकिन्छ। सदा पोशाकमा रहेका ती व्यक्तिले प्रहरी माथि हात-पात गरिरहँदा ती दुई प्रहरी चुप-चाप मुखदर्शक बनेको पनि भिडियोमा देखिन्छ।
यस्तै हात-पात गर्ने व्यक्ति भनिएका प्रहरी इन्सपेक्टर सुवेदीले आफूले सम्झाइ बुझाइमात्रै गरेको दावी गरेको पनि समाचारमा उल्लेख गरिएको छ।
