काठमाडौँ – गायिका आस्था राउतलाई प्रहरीले पक्राउ गर्ने तयारी गरेको छ। गायिका आस्था गत माघ १ गते त्रिभुवन अन्तराष्ट्रिय विमानस्थलमा एक महिला प्रहरीले आफूमाथि दुर्व्य’वहार गरेको आरोप लगाएकी थिइन् ।
माघ ३ गते एयरपोर्टमा भएको घ’टनाको सिसिटिभी फूटेज सार्वजनिक भयो । र त्यस लगतै गायिका राउतले आफूलाई दु’र्व्यवहार गरेको भनी आरोप लगाएकी महिला प्रहरी जवान रमिता श्रेष्ठले राउतविरुद्ध नै उजुरी दिएपछि उनलाई छानबिनको लागि बोलाइएको थियो । तर आस्था प्रहरीकोमा उपस्थित नभएपछि पक्राउ गर्ने तयारी गरिएको प्रहरीले जनाएको छ । श्रेष्ठले आस्थाद्वारा आफूमाथि अ’भद्र व्यवहार भएको भन्दै उजुरी दिएकी थिइन्।
साथै प्रहरीले राउतलाई पटक-पटक सम्पर्कको कोशिश गरेपनि सफल नभएपछि उनलाई पक्राउ गर्ने तयारी थालिएको बताइएको छ ।
त्रिभुवन अन्तराष्ट्रिय विमानस्थल सुरक्षा कार्यालयमा कार्यरत प्रहरी जवान रमिता श्रेष्ठले शुक्रबार सीसीटीभी फुटेजसहित लिखित निवेदन दिएकी थिइन् । श्रेष्ठले विवादको सीसीटीभी फुटेजसहित महानगरीय प्रहरी कार्यालय रानीपोखरीमा निवेदन दिएकी हुन्।
श्रेष्ठले निवेदन दिएसँगै श्रेष्ठसंग पनि सोधपुछ गरिएको थियो । सोधपुछका क्रममा प्रहरी जवान रमिता श्रेष्ठले कुनै पनि दुर्व्यवहार नगरेको दावी गरेको बताएकी थिइन् । त्यसपछि गायिका राउतलाई छानबिनको लागि बोलाइएको थियो।
