एजेन्सी – म्यानचेस्टर सिटि लेजेण्ड डिफेन्डर भिन्सेन्ट कम्पोनीले रोनाल्डो भन्दा मेस्सीलाई रोक्न गार्हो हुने बताएका छन्। कम्पोनीले अन्तर्वार्ता दिने क्रममा डिफेन्डरको रुपमा रोनाल्डो भन्दा मेस्सीलाई रोक्न गार्हो हुने बताएका हुन्। सुपर स्टार फरवार्ड क्रिस्टियानो रोनाल्डो उत्कृष्ट खेलाडी भएपनि एक डिफेन्डरको लागि मेस्सी जति गार्हो नभएको कम्पोनीले बताए। आफ्नो खेल अनुभव सुनाउँदै कम्पोनीले आफूलाई मेस्सीलाई रोक्न गार्हो भएको सुनाए।
“मलाई रोनाल्डो धेरै मन पर्छ। मलाई रोनाल्डो हरेक तरिकाले मन पर्छ। उनका हरेक कदमको म प्रशंसक हुँ। तर, डिफेन्डरको रुपमा मेस्सीलाई रोक्न गार्हो हुन्छ”, कोसँग खेल्न गार्हो छ भनेर सोध्दा कम्पोनीले भने,”मेस्सीसँग भएको कार्यान्वयनको क्षमता एकदमै उत्कृष्ट छ।”
कम्पोनीले रोनाल्डोको प्रगति पनि आफूले देखेको सुनाए। युनाइटेड देखि रियल र रियल देखि युभेन्टस सम्मको रोनाल्डोको यात्रालाई नियालेको कम्पोनीले उल्लेख गरे।
“मलाई रोनाल्डो मनपर्दछ, किनकि मैले उनको प्रगति देखेको छु। युनाइटेड देखि रियल र रियल देखि युभेन्टस सम्मको रोनाल्डोको यात्रालाई नियालेको छु। युनाइटेडमा खेलेको भन्दा रियलमा उनले खेल शैली फरक थियो, युनाइटेडमा उनको खेल्ने तरिका रियलको भन्दा फरक छ।”,उनले भने।
रोनाल्डोको खेल्ने तरिका र एकाग्रताले आफूलाई चकित बनाउने गरेको भएता पनि मेस्सी एक विशेष खेलाडी भएको कम्पोनीले बताउँछन्।
