नेपालका कप्तान रोहित पौडेलले सन्दीप लामिछानेको टोलीमा आगमनले उत्साह थपेको बताएका छन्।
‘‘सन्दीप दाईले वेस्ट इन्डिजमा खेल्ने पक्का भएपछि हामी उत्साहित बनेका छौँ । उहाँले यहाँ खेल्न पाउनुभएन । तर उहाँले क्यारावियन लिग खेलिसकेकोले वेस्ट इन्डिजको पिचबारे उहाँलाई राम्रो ज्ञान छ,’’ रोहितले भने।
सन्दीप सहभागी भएपनि नेपाली टोलीमा १४ जना खेलाडी रहने रोहितले स्पस्ट पारे। अमेरिकाले भिसा दिन अस्वीकार गरेपछि सन्दीपले अमेरिकामा भएको समूह चरणको दुई खेल गुमाएका थिए।
विश्वकप खेल्न सोमबार वेस्ट इन्डिज पग्नुभएका सन्दीप टोलीमा समाबेश हुने भएपछि नेपाल क्रिकेट सङ्घ (क्यान) ले युवा बलर प्रतिश जिसीलाई ट्राभलिङ रिजर्भमा राख्ने निर्णय गरेको छ ।
