एजेन्सी – इंग्लिस प्रिमियर लिग अन्तर्गत आइतबार भएको खेलमा म्यानचेस्टर युनाइटेड लिभरपुलको घरेलु मैदानमा ७-० ले पराजित भएको छ ।
लिभरपुलले पहिलो हाफमा १-० को मात्र अग्रता लिएपनि आक्रमणमा उत्कृष्ट प्रदर्शन गरेको थियो । त्यसै लयलाई दोस्रो हाफमा निरन्तरता दिँदै टोलीले ६ गोल थप्यो । लिभरपुलका लागि मोहमद सलाह, कोडी गाक्पो र डार्विन न्युनेजले २-२ तथा रोबर्टो फिर्मीनोले १ गोल गरे ।
पहिलो हाफको ४३ औं मिनेटमा गाक्पोले सुरुवाती अग्रता दिलाएका थिए । त्यसपछि दोस्रो हाफको सुरुवाती ५ मिनेटमै न्युनेज र गाक्पोले लगातार गोल गरे । ६६ औं मिनेटमा सलाहले अर्को गोल थपे ।
७६ औं मिनेटमा न्युनेजले अर्को गोल थप्दा ७ मिनेटपछि नै सलाहले व्यक्तिगत दोस्रो गोल गरे । खेलको २ मिनेट समय बाँकी रहँदा रोबर्टो फिर्मिनोले बेन्चबाट आएर गोल गरेका थिए ।
यस जितले लिभरपुल २५ खेलमा ४२ अंकका साथ पाँचौ स्थानमा उक्लिएको छ । युनाइटेड २५ खेलमा ४९ अंकका साथ तेस्रो स्थानमा छ ।
