लिभरपुलका लेजेन्ड जेमी क्यारेगरले प्रिमियर लिग प्लेयर अफ द इयर अवार्डका लागि आफ्नो छनोट बताएका छन्। पूर्व इंग्ल्यान्ड डिफेन्डरले एर्लिंग हालान्डले आफ्नो उत्कृष्ट प्रदर्शनका लागि अवार्ड जित्ने सम्भावना उच्च रहेको दाबी गरेका छन्।
यद्यपि, पूर्व रेड्सले आर्सनलका कप्तान मार्टिन ओडेगार्ड आफ्नो उत्कृष्ट प्रदर्शनका लागि उनको छनोट रहने बताएका छन्। लिभरपुलका पूर्व डिफेन्डरले नर्वेली कप्तानले उचित सम्मान नपाएको दाबी पनि गरेका छन्। मन्डे नाइट फुटबलमा उनले भने, “मलाई लाग्छ कि सबै खेलाडीहरूले हालान्डलाई भोट गर्नेछन्। आर्सेनलमा ओडेगार्डले एकदम सनसनीपूर्ण प्रदर्शन गरेका छन्, तर मलाई थाहा छ कि खेलाडीहरू कस्ता छन्, म ड्रेसिङ रुममा थिएँ, र उनीहरूलाई लाग्छ कि हालान्डले धेरै गोल गरेका छन्, उनी अद्भुत छन्। तर मलाई लाग्छ यदि आर्सनलले उपाधि जित्यो भने ओडेगार्डको भूमिका सनसनीपूर्ण भएको छ, मलाई लाग्छ कि उनी उत्कृष्ट छन्।”
हाल प्रिमियर लिगको तालिकामा एक खेल धेरै खेल्दै दोस्रो स्थानको म्यानचेस्टर सिटी भन्दा ४ अंकले अगाडी रहेको आर्सनलका लागि ओडेगार्ड सबैभन्दा महत्वपूर्ण खेलाडी रहेका छन्। पूर्व रियल म्याड्रिड प्लेमेकरले यस सिजन प्रिमियर लिगका ३० खेलमा ११ गोल र ८ वटा असिस्ट प्रदान गरेका छन्।
