साउदी अरेबियन क्लब अल-नासरसँग डेब्यु खेलमा जित हात पारेपछि क्रिस्टियानो रोनाल्डोले आफ्ना प्रशंसकलाई आभार प्रकट गरेका छन्। रोनाल्डोले यसै महिना मात्र साढे दुई वर्षको सम्झौतामा साउदी क्लबसँग अनुबन्ध भएका हुन्।
विभिन्न रिपोर्टका अनुसार प्रति वर्ष २०० मिलियन कमाउने सम्झौतामा हस्ताक्षर गरेका रोनाल्डोले आइतबार राति अल-इतफाक विरुद्ध मात्र आफ्नो नयाँ क्लबका लागि पहिलो खेल खेलेका छन्। खेलको ३१ औं मिनेटमा एन्डरसन तालिस्काले गरेको गोल नै निर्णायक बनेपछि रोनाल्डोको कप्तानीमा रहेको टोलीले १-० को जित पारेको हो।
View this post on Instagram
अल-नासरको घरेलु मैदान मर्सुल पार्कमा भएको खेलको पहिलो मिनेट देखि अन्तिम सेकेन्ड सम्म रोनाल्डोको नाम स्टेडियमभर गुन्जिएको थियो। जसको कारण पनि खेलपछि रोनाल्डोले आफ्ना समर्थकलाई धन्यबाद नदिई बस्न सकेनन्। नयाँ लिगमा पहिलो खेलमा नै जित हात पारेपछि रोनाल्डोले इन्स्टाग्राममा आफ्नो टोलीको तस्बिर साझा गर्दै लेखे, “पहिलो खेल, पहिलो जित। सबै सहकर्मी र समर्थकलाई तपाईंको समर्थनका लागि धेरै धेरै धन्यबाद!”
