एजेन्सी – स्पेनिस युवा मिडफिल्डर पेड्रीको गोलमा शीर्षस्थानमा रहेको क्याटलान क्लब बार्सिलोनाले स्पेनिस ला लिगामा जित निकालेको छ ।
बार्सिलोनाले घरेलु मैदानमा गेटाफेमाथि १–० को साँघुरो जित निकालेको हो । बार्सिलोनाको जितमा पेड्रीले पहिलो हाफमा गरेको गोल नै निर्णायक बन्यो ।
क्याम्प नोउमा आइतबार राति भएको खेलमा पेड्रीले ३५औं मिनेटमा राफिन्हाको पासमा गोल गर्न सफल भएका थिए । त्यसपछि पनि खेलमा दवदवा बनाएको बार्सिलोनाले थप गोल भने गर्न सकेन ।
यस जितसँगै शीर्षस्थानमा रहेको बार्सिलोनाको १७ खेलबाट ४४ अंक पुगेको छ । बार्सिलोना रियल म्याड्रिडभन्दा ३ अंकले अघि छ । पराजित गेटाफे १८ खेलबाट १७ अंक जोडेर १६औं स्थानमा छ ।
