एजेन्सी – बार्सिलोना सहज जितका साथ कोपा डेल रेको क्वार्टरफाइनलमा प्रवेश गरेको छ । तेस्रो श्रेणीको केउटालाई ५–० ले हराउँदै बार्सिलोनाले सजिलो जित निकालेको हो । रोबोर्टो लेवान्डोस्कीले २ गोल गरेको खेलमा राफिनाको गोलबाट बार्सिलोनाले ४१ औं मिनेटमा अग्रता बनाएको थियो ।
लेवान्डोस्कीले ५० औं मिनेटमा गोल गर्दा बार्सिलोना २–० ले अघि बढ्यो । आन्सु फातीले ७० औं मिनेटमा गोल थपे । उनले एकल प्रयासमा गोल गरेका थिए ।
त्यसको सात मिनेटपछि मिडफिल्डर फ्रान्क केस्सीले शक्तिशाली हेडरमार्फत गोल गर्दा टोली ४–० ले अगाडि लाग्यो । लेवान्डोस्कीले खेलको अन्तिम मिनेटमा व्यक्तिगत दोस्रो गोल गरेपछि बार्सिलोनको जित सहज रह्यो ।
अर्को खेलमा रियल म्याड्रिडले उत्कृष्ट पूनरागमत जित निकाल्ने क्रममा भिल्लारियललाई ३–२ ले हराएको छ । पहिलो हाफमै २–० पछि परेको रियलले दोस्रो हाफमा पूनरागमनका साथ जित निकालेको थियो । रियल पनि कोपा डेल रेको अन्तिम आठमा पुगेको छ । भिल्लारियलका लागि इटिनी कापोयु र सामुयल चुकोएजेले गोल गरे । रियलका लागि भिनिसियस जुनियर, इडर मिलिटो र डानी केबालोसले गोल गरेका थिए ।
