बेलायती प्रसारक पियर्स मोर्गनले म्यानचेस्टर युनाइटेडका प्रबन्धक एरिक टेन ह्यागलाई क्रिस्टियानो रोनाल्डोको अनादर गरेकोमा रेड डेभिल्सको सिजन असफल भएमा माफी माग्न आग्रह गरेका छन्। पोर्चुगिज कप्तानले गत नोभेम्बरमा आफ्नो सम्झौता समाप्त गर्न सहमत भएपछि ओल्ड ट्राफोर्ड छोडेका हुन्।
पूर्व युनाइटेड स्ट्राइकरले कतारमा २०२२ फिफा विश्वकप अघि मोर्गनसँगको एक अन्तर्वार्तामा टेन ह्यागको आलोचना गरेका थिए। उनले डच प्रशिक्षकले आफूलाई अपमान गरेको दाबी गरेका थिए। उनलाई टेन ह्यागले १६ खेलमा आठ खेलमा मात्र सुरुवात गराएका थिए, जसमा उनले तीन गोल गरेका थिए भने २ असिस्ट प्रदान गरेका थिए।
मोर्गन सधैं रोनाल्डोको पक्षमा रहने मानिस हुन् र यदि युनाइटेडको सिजन सफल भयो भने पाँच पटकको बालोन डी’ओर विजेताले डचम्यानको बारेमा गरेको टिप्पणीको लागि रोनाल्डोले टेन ह्यागसँग माफी माग्नेछन् भनेर प्रश्न गरिएको थियो। मोर्गनले टकस्पोर्टलाई जवाफ दिए: “बिल्कुलै होइन। म टेन ह्यागले घुँडा टेकेर क्रिस्टियानो रोनाल्डोलाई देखाएको चकित पार्ने अनादरको लागि माफी माग्ने अपेक्षा गर्दछु।”
रेड डेभिल्सले आउँदो आइतबार (२२ जनवरी) मा आर्सनलको सामना गर्नेछ। बेलायती पत्रकारसँग रोनाल्डोको अन्तर्वार्ताको क्रममा पूर्व रियल म्याड्रिड स्टारले आफ्नो पूर्व क्लबले नजिते आर्सनलले प्रिमियर लिग जितेको हेर्न चाहने खुलासा गरेका थिए।
