बेलायती पत्रकार पियर्स मोर्गनले क्रिस्टियानो रोनाल्डोले उनलाई पोर्चुगलले २०२२ फिफा विश्वकप जित्न सक्ने बताएको खुलासा गरेका छन्। सेलेकाओ स्विट्जरल्याण्डलाई ६–१ ले हराउँदै क्वाटरफाइनलमा प्रवेश गरेको छ।
गोन्कालो रामोसले प्रतियोगिताको पहिलो ह्याट्रिक गरे भने पोर्चुगलका लागि पेपे, राफेल गुरेइरो र राफेल लिओले एक–एक गोल गरे। रोनाल्डोलाई प्रारम्भिक लाइनअपबाट हटाइयो तर उनी कमी खासै खलिएन। दोस्रो हाफमा पोर्चुगलका कप्तान मैदान प्रवेश गरेपनि आफ्नो टोलीका लागि गोल भने गर्न सकेनन्।
यसैबीच, मोर्गनले रोनाल्डोले कतारमा जारी प्रतियोगितामा आफ्नो राष्ट्रिय टोलीको सम्भावनाबारे आफूलाई के भनेका थिए भन्ने खुलासा गरेका हुन्। “आज राती पोर्चुगल सनसनीपूर्ण थियो। रोनाल्डोले मलाई भने कि उनी विश्व कप जित्न सक्छन्, र उनीहरुले जित्न सक्छन्।”
पोर्चुगलले क्लिनिकल प्रदर्शनको साथ आफ्नो डरलाग्दो आक्रामक क्षमता प्रदर्शन गर्यो र सबैभन्दा महत्त्वपूर्ण कुरा, रोनाल्डोको आवश्यकता पनि परेन। सेलेकाओले स्विट्जरल्यान्डलाई तातो मखन माथि चक्कु चलाए जस्तै आफ्ना असहाय विपक्षीहरूलाई ६ गोलले हराए। मुख्य प्रशिक्षक फर्नान्डो सान्तोसले रोनाल्डोलाई बेन्चमा राखेर ठूलो जुवा खेलेका थिए तर लुसेल स्टेडियममा उनको पक्षले यस निर्णयलाई सही साबित गरायो। यदि पोर्चुगलले यो गतिलाई निरन्तरता दिन सके भने प्रतियोगितामा धेरै अगाडि बढ्न सक्छ।
