२०२२ फिफा विश्वकप वर्षको अन्त्यमा सुरु हुनेछ र यो प्रतियोगिता पुन: एकपटक विश्वव्यापी महोत्सव हुनेमा कुनै शंका नै छैन। चौधवार्षिक प्रतियोगिता फुटबलको विश्वका सबैभन्दा ठूला-ठूला स्टारहरुका लागि प्रदर्शनी हो, जहाँ उनीहरु आफ्नो राष्ट्रका लागि सबैभन्दा ठूलो र प्रतिष्ठित पुरस्कार हात पार्न लडाई हुने गर्छ।
धेरै विश्व स्तरका खेलाडीहरूले २०२२ फिफा विश्वकप गुमाउने छन्
विश्वकप फुटबलको सबैभन्दा ठूलो र सबैभन्दा उच्च-प्रोफाइल प्रतियोगिता भए पनि हामीले यस प्रतियोगितामा हामीलाई मनपर्ने केही स्टारहरुलाई देख्न पाउने छैनौं। त्यो किनभने उत्कृष्ट भन्दा उत्कृष्ट स्टारहरुले पनि आ-आफ्नो राष्ट्रिय टोलीसँग २०२२ फिफा विश्वकपका लागि योग्यता पाउन असफल भएका छन्। थप प्रचार नगरी, कतारमा २०२२ फिफा विश्वकपमा गुमाउने पाँच ठूला स्टारको बारेमा जानौं….
५. लुइस डियाज (कोलम्बिया)
कोलम्बिया इन्टरकन्टिनेन्टल प्लेअफका लागि छनोट हुन असफल भएकाले उनी २०२२ फिफा विश्वकपमा सहभागी हुने छैनन्। बिहिबार बिहान भएको खेलमा पेरुले पाराग्वेलाई २–० ले हराउँदै कन्मेबोल विश्वकप छनोटमा पाँचौं स्थानमा उक्लिएसँगै कोलम्बियाले यस वर्षको विश्वकप नखेल्ने पक्का भएको हो।
४. मार्को भेराटी र लोरेन्जो इन्सिग्ने (इटाली)
इटालीलाई प्लेअफको सेमिफाइनलमा उत्तरी म्यासेडोनियाले १-० को हार चखाएको थियो। खेलको ९२औं मिनेटमा अलेक्सान्डर ट्राजकोभस्कीको गोलले युरो च्याम्पियनलाई हार चखाएको थियो। नतिजा स्वरूप, वर्तमान युरोपेली च्याम्पियनहरू २०२२ फिफा विश्वकपको हिस्सा हुनेछैनन्। अज्जुरीले गुमाउने यो लगातार दोस्रो विश्वकप हो। यसका साथै, विश्व फुटबलमा आफनो स्थानमा उत्कृष्ट खेलाडी मानिने मार्को भेराटी र नापोली स्टार लोरेन्जो इन्सिग्नेले यस पटकको विश्वकप गुमाउने भएका छन्।
३. जियानलुइजी डोनारुम्मा (इटाली)
डोनारुम्मा विश्वका उत्कृष्ट गोलकिपर मध्ये एक हुन् र युरोपियन च्याम्पियनसिपको सेमिफाइनल र फाइनलमा पेनाल्टीमा इटालीलाई जिताउन मद्दत गरेका थिए। २३ वर्षिय खेलाडी फुटबलको दुनियामा पहिले देखि नै सुपरस्टार भइसकेका छन् र यस पटक प्रतियोगितामा आफ्नो छाप छोड्न चाहन्थे।
२. एर्लिंग हालाण्ड (नर्वे)
एर्लिंग हालाण्ड विश्व फुटबलका सबैभन्दा मूल्यवान खेलाडी मध्ये एक हुन्। दुर्भाग्यवश, हामीले उनलाई २०२२ फिफा विश्वकपमा देख्ने छैनौं। समूह जी मा नेदरल्यान्ड्स र टर्की भन्दा पछि परेपछि नर्वेले विश्वकप नखेल्ने भएको हो।
१. मोहम्मद सलाह (इजिप्ट)
इजिप्ट २०२२ फिफा विश्वकप गुमाउने ठूलो टोली नहुन सक्छ। तर तिनीहरूका मुख्य स्टार मोहम्मद सलाह अहिले विश्वका उत्कृष्ट फुटबलरहरूमध्ये एक हुन्। तर, सीएएफ विश्वकप छनोटको अन्तिम चरणमा सेनेगलले इजिप्टलाई पेनाल्टीमा हराएको थियो। जसको कारण २०२२ को विश्वकपमा हामीले सलाह र इजिप्टलाई देख्न पाउने छैनौं।
