एजेन्सी – च्याम्पियन्स लिगको दोस्रो खेलमा प्रिमियर लिग क्लब लिभरपुलले आज राति डच क्लब आयक्सको सामना गर्दैछ। पहिलो खेलमा जित निकाल्न नसकेको लिभरपुलले च्याम्पियन्स लिगको दोस्रो खेलमा आयक्सको सामना गर्न लागेको हो।
घरेलु मैदानमा हुने खेलमा लिभरपुल जित निकाल्ने दाउमा हुनेछ। पहिलो खेलमा नापोलीससँग लज्जास्पद हार बेहोरिसकेका कारण लिभरपुल आज जसरी पनि जित निकाल्ने योजना सहित मैदानमा उत्रनेछ। उता आयक्स भने कम्जोर देखिएको लिभरपुल विरुद्ध जितेर च्याम्पियन्स लिगको अर्को चरणमा प्रवेश गर्ने सम्भावना बढाउने दाउमा हुनेछ।
अहिले लिभरपुलका धेरै भन्दा धेरै खेलाडी घाइते अवस्थामा छन्। लिभरपुलका प्रशिक्षक योर्गेन क्लोपले जोर्डन हेन्डरसन, नाबी केइटा, इब्राहिमा कोनाटे, एलेक्स ओक्सलेड-चेम्बरलेन, क्याल्भिन रामसे, कर्टिस जोन्स र काओहिन केलहेर बिना नै लिभरपुल मैदानमा उत्रने पुष्टि गरिसकेका छन्।
फुल-ब्याक एन्ड्रयु रोबर्टसन पनि घाइते हुने खेलाडीहरुको सूचीमा छन्।
ओवेन विजन्डल, मोहम्मद इहत्तारेन र फ्रान्सिस्को कन्सेकाओ एजाक्सको २४ सदस्यीय टोलीमा अनुपस्थित छन्। हिरेनभिन विरुद्धको टोलीको अन्तिम खेलमा मैदान बाहिर रहन बाध्य भएका केल्भिन बासीलाई टोलीमा समावेश गरिएको छ।
लिभरपुल र आयक्स बीचको खेल लिभरपुलको घरेलु मैदान एनफिल्डमा हुनेछ। खेल नेपाली समय अनुसार रातको १२ बजेर ४५ मिनेटमा शुरु हुनेछ। खेल भारतीय च्यानल सोनी सिक्समा हेर्न सकिनेछ।
