पेरिस सेन्ट जर्मेन (पिएसजी)का स्टार नेयमारले लिभरपुलका डिफेन्डर भर्जिल भान डाइकको प्रशंसा गर्दै ‘बुद्धिमान’ भएको बताएका छन्। ब्राजिलियनले लिभरपुल यूईएफए च्याम्पियन्स लिग विजेता बनेको सिजनमा भान डाइकको सामना गरेका थिए जब रेड्सले समूह चरणमा पीएसजीको सामना गर्यो।
रोबर्टो फिर्मिनोको अन्तिम समयको विजयी गोलमा लिभरपुलले एनफिल्डमा ३-२ ले जित निकालेको थियो भने नेयमारले पार्क डेस प्रिन्सेसमा २-१ को जित हात पर्दा गोल गरेका थिए। यस्तोमा, ब्राजिलियन फरवार्डले डीएजेडएन सँगको एक अन्तर्वार्तामा भने: “भान डाइक विरुद्ध खेल्न गाह्रो छ किनकि सेन्टर ब्याकको रूपमा, उनी धेरै बलियो र बुद्धिमान छन्।”
“उनलाई थाहा छ कि कुन समयमा विपक्षी खेलाडीलाई ‘कोज-डाउन’ गर्ने र कहिले ट्याकलको लागि जान उपयुक्त हुन्छ। यसले झन् गाह्रो बनाउँछ,” उनले थपे, “उनी बुद्धिमान छन्। बुद्धिमान सेन्टर ब्याकहरू विरुद्ध खेल्न गाह्रो छ। उनीहरुले गल्ती गर्दैनन्।”
भान डाइकलाई विगत केही वर्षदेखि विश्वको उत्कृष्ट सेन्टर ब्याकको रूपमा चिनिन्छ, तर यस सिजनको सुरुवात खराब शैलीमा भएको छ। उनले यसै सिजन मात्र विपक्षी टोलीलाई दुई पेनाल्टी दिइसकेका छन् भने बर्नमाउथ विरुद्ध ९-० ले जित हात पार्दा सिजनको एक मात्र क्लिन-शिट राख्न सफल भएका छन्।
