एजेन्सी – म्यानचेस्टर युनाइटेडका पूर्व स्टार ग्यारी नेभिलले म्यानचेस्टर सिटीमा एर्लिङ हालाण्डको इन्ट्री क्रिस्टियानो रोनाल्डो वा थियरी हेनरीको इन्ट्री भन्दा धेरै भिन्न रहेको बताएका छन्। आफ्नो पोडकास्टका क्रममा हालाण्डको प्रिमियर लिग आगमन रोनाल्डो र हेनरी भन्दा धेरै भिन्न रहेको बताएका हुन्।
नेभिलका अनुसार प्रिमियर लिगमा चम्किएपछि धेरै स्टारहरु अन्य क्लबमा जाने गरेको भएपनि चम्किएपछि हालाण्ड प्रिमियर लिग आएको देखेर आफूलाई अचम्म लागेको बताए। हालाण्ड भविष्यको विश्वकै उत्कृष्ट खेलाडी हुने नेभिलको भविष्यवाणी छ।
“मैले भन्नुपर्छ कि म हालाण्डबाट धेरै प्रभावित छु। यो पहिलो पटक हो जुन प्रिमियर लिगमा भविष्यमा विश्वकै हुने खेलाडीको आगमन भएको छ। सामान्यतया, यस्ता खेलाडीहरू पेरिस सेन्ट-जर्मेन, रियल म्याड्रिड वा बार्सिलोना जाने गर्थे।”,नेभिल भन्छन्।
पोडकास्टको क्रममा नेभिलले यो बताए कि प्रिमियर लिगमा क्रिस्टियानो रोनाल्डो र थियरी हेनरी विश्वको उत्कृष्ट बनेका थिए र पछि अन्यत्र गएका थिए। तर हालाण्ड भने अन्यत्र नै उत्कृष्ट भएर प्रिमियर लिग आएका खेलाडी रहेको नेभिलले बताए।
उनले भने,”क्रिस्टियानो रोनाल्डो यहाँ [म्यानचेस्टर युनाइटेडमा] विश्वको सर्वश्रेष्ठ खेलाडी बने र आर्सनलमा थियरी हेनरी विश्वको उत्कृष्ट खेलाडी बने। तर पछि उनीहरु अन्यत्र लागे। तर हालाण्ड भने अन्यत्र नै उत्कृष्ट बनेर प्रिमियर लिग आएका छन्। यो पक्का छ कि हालाण्ड प्रिमियर लिगमै रहने छन् र बालोन डी’ओर जित्नेछन्।”
