भनिन्छ भाग्यमा छैन भने जति नै मेहनत पनि सफलता मिल्दैन, यदि भाग्यमा छ भने गुमेको भाग्या पनि फिर्ता मिल्छ । त्यस्तै धार्मिक मान्यता अनुसार मानिसले आफ्नो जीवनमा जतिसुकै कठिन परिस्थितिको सामना गर्न परे पनि वा धेरै गरिब परिवारमा जन्मिएको भए पनि यस्ता व्यक्ति केही समयपछि पक्कै धनी बन्छन् । उनीहरुसँग प्रशस्त धन सम्पत्ति हुन्छ । उनीहरुले आफ्नो मेहनत र क्षमताबाट धन कमाउँछन् र भाग्य पनि उनीहरु प्रति दयालु हुन्छ । साथै यी राशिका मानिसहरु प्रति माता लक्ष्मी निकै दयालु हुन्छिन् ।
वृष राशि
वृष राशिको स्वामी शुक्र हो। यसै कारण शुक्र ग्रहको प्रभावले उनीहरुको जीवनमा विलासिता, रोमान्स र धनको मात्रा धेरै हुन्छ। यी व्यक्तिहरूमा पैसा कमाउने ठूलो रहर पनि हुन्छ र क्षमता पनि हुन्छ। तिनीहरू धेरै मेहनत गर्छन् र सफलता प्राप्त गर्छन्।
कर्कट राशि
कर्कट राशिको स्वामी चन्द्रमा हो। कर्कट राशि भएका व्यक्तिहरूले आफ्नो भाग्य र मेहनतको आधारमा अथाह धन कमाउँछन्। आफ्नो लक्ष्य पछ्याउने स्वभावले नै तिनीहरूलाई धेरै धनी र सफल बनाउँछ। माता लक्ष्मीको कृपाले उनीहरुको जीवनमा कहिले पनि कुनै कुराको कमी हुँदैन।
सिंह राशि
सिंह राशिको स्वामी सूर्य हो। सूर्यको प्रभावले सिंह राशिका व्यक्तिहरूको व्यक्तित्व आकर्षक र आत्मविश्वासले भरिपूर्ण हुन्छ। यस राशिका मानिस असल लिडर हुन्छन् र खुब नाम-दाम दुबै कमाउँछन्।
वृश्चिक राशि
वृश्चिक राशिको स्वामी मंगल हो। जसका कारण यस राशिका मानिसहरु साहसी र निडर हुन्छन्। त्यसैले उनीहरु जोखिम मोल्न डराउँदैनन्। मेहनत र बुद्धिको बलमा धनी बन्छन् र सबै सुख सुविधा पाउँछन्।
धनु राशि
बृहस्पति धनु राशिको स्वामी हो। बृहस्पतिलाई शुभ ग्रह मानिन्छ। धनु राशिका व्यक्तिहरूले सामान्य भन्दा अलग काम गरेर ठूलो सफलता प्राप्त गर्नेछन्। उनीहरू उनीहरूले धेरै भाग्य प्राप्त गर्छन्। त्यसैले उनीहरुले जीवनमा धेरै पैसा र सबै सुविधा पाउँछन् ।
