काठमाडौँ, असार १५ । चर्चित अभिनेत्री स्वस्तिमा खड्काले नयाँ कार किनेकी छिन्। उनले सामाजिक संजालमार्फत यस कुराको जानकारी दिएकी हुन्।
रेड कलरको कार अगाडी बसेर खिचेको फोटो पोष्ट गर्दै उनले लेखेकी छिन्, ‘कडा मेहनत गर्नुस्, ध्यान केन्द्रित रहनुहोस् र नयाँ कार किन्नुस्। घरमा स्वागत छ।’ उनले कुन कम्पनीको कार किनेको हुन् त्यो भने खुलाएकी छैनन्। तस्विरमा उनले आफ्नो गाडी नम्बर पनि ब्लर गरेकी छिन्।
चलचित्र ‘होस्टल रिटन्स’ बाट चलचित्र क्षेत्रमा डेब्यु गरेकी स्वस्तिमाले ‘लब लब लब’, ‘छक्का पन्जा २’, ‘नाइ नभन्नु ल-५’ र बुलबुलमा अभिनय गरेकी छिन्। उनि अभिनित चलचित्र ‘चपली हाइट ३’ रिलिज हुन बाँकि छ।
अभिनेत्री स्वस्तिमाले २०१६ मा निर्देशक तथा अभिनेता निश्चल बस्नेतसंग विवाह गरेकी थिइन्।
उनले चलचित्र ‘दुई रुपैयाँ’ को ‘कुटुमा कुटु’ बोलको गीतमा गरेको नृत्य निकै चर्चित भएको थियो।
