यस वर्ष, मीन राशिका व्यक्तिहरुका कार्यक्षेत्रमा विस्तार हुनेछ। ध्यानपूर्वक काम गरे जुनसुकै कार्यमा पनि सफलता पाउने देखिन्छ। शासन सत्ताको पूर्ण सुख प्राप्त गर्नुका साथै उच्च अधिकारीहरूसँग राम्रो सम्बन्ध पनि विस्तार हुनेछ। अध्ययन तथा रोजगारीका लागि विदेश यात्राको साइत समेत जुर्न सक्ला।
यस वर्ष, यस राशिको लाभ भावमा शनि र मंगलका युति एक साथ हुनेछ, जुन यस राशिका लागि निकै लाभदायक सावित हुनेछ। तर, स्वास्थ्यको दृष्टिबाट भने केही प्रतिकूल प्रभाव पर्न सक्ने हुदा, सावधान रहनुहोला।
नराम्रो संगतबाट टाढै रहनुहोला। बृहस्पतिको दृष्टि यस राशिका व्यक्तिहरुका सन्तान र श्रीमतीमा पर्नेछ। जसका कारण, सन्तान सम्बन्धित चिन्ताहरुबाट मुक्त मिल्नेछ। यदि, कुनै पनि प्रकारको प्रतिस्पर्धाहरुमा भाग लिन चाहनुहुन्छ भने, यो अवसर उपयुक्त रहने देखिन्छ, सम्भवतः सफल हुने देखिन्छ।
विवाह वार्ता पनि सफल हुनेछ। ससुराली पक्षसंगको सम्बन्ध बलियो हुनेछ। नयाँ जोडीहरुका लागि सन्तान प्राप्तिको सम्भावना पनि सिर्जना भइरहेको देखिन्छ। कार्य तथा व्यवसायका लागि निकै राम्रो योग बन्ने देखिन्छ।
भदौको मध्यबाट राहु केतु तथा बृहस्पतिको राशि परिवर्तन हुदा पनि यस राशिका व्यक्तिका लागि वरदान साबित हुनेछ। त्यस समय, अदम्य साहस र क्षमताको वृद्धि हुनेछ। काम र लिइएको निर्णयको सबैले प्रसंशा गर्नेछन्। तर, अत्यधिक ऊर्जावान र उत्साहित भएको फलस्वरूप आफ्नो जिद्द र आवेशलाई नियन्त्रणमा राखी काम गर्नुहुन्छ भने यो वर्ष यस राशिका लागि महत्वपूर्ण वर्ष साबित हुनेछ।
