यस वर्षको बैशाख मसान्तदेखिनै कर्कट राशिका गुरु, चन्द्र भाग्य भावमा रहेको छ। जसका कारण, यस राशिका व्यक्तिहरुलाई कैयौं संकटबाट मुक्ति मिल्ने छ। व्यवसाय वा रोजगारका लागि यो समय तुलनात्मक रूपमा राम्रो रहने देखिन्छ। काममा पदोन्नती अथवा स्थानान्तरणको पनि तिब्र सम्भावना रहेको देखिन्छ। प्रशासनिक कार्यहरूको समाधान होला। उच्च अधिकारीहरुसंग राम्रो सम्बन्ध कायम राख्नुहोला।
उच्चराशिमा राहु, व्यय भावमा रहेको हुदा, कर्कट राशिका व्यक्तिहरुले व्यर्थ भागदौडको सामना गर्नुपर्नेछ। बन्ने कामहरुमा पनि केहि अवरोधहरु देखा पर्न सक्छ। यस वर्ष, ब्यापारिक यात्राबाट पनि कुनै लाभ हुने देखिदैन।
आफ्नो स्वास्थ्यमा निकै ध्यान दिनुहोला। यस वर्ष आफ्नोलागि पनि केहि समय छुट्याउनु पर्ने देखिन्छ। गोप्य शत्रुहरूबाट बच्नुहोला। केहि नयाँ काम सुरु गर्ने सोचमा हुनुहुन्छ भने, निकै सोच-विचार गरेर मात्रै लगानी गर्नुहोला।
विवाह सम्बन्धी वार्ताहरु सफल रहनेछ। दैनिक व्यवसायमा अत्यधिक लाभको सम्भावना रहेको देखिन्छ। रोजगारका लागि गरेको प्राय: सबै प्रयास सफल रहनेछ।
असार मसान्तदेखि ग्रहको अवस्थामा सुधार हुनेछ, प्रत्येक निर्णय सावधानीपूर्वक लिनुहोला। जीवनशैलीमा परिवर्तन आउनेछ। कृषि तथा पशुपालनमा पनि फाइदा हुने देखिन्छ।
