काठमाडौँ : सिद्धार्थ बैंक(एसबिएल) नेपाल प्रिमियर लिग (एनपिएल) अन्तर्गत चितवन राइनोजले आफ्ना समर्थकहरूको सुविधाका लागि नि:शुल्क बस सेवा उपलब्ध गराउने निर्णय गरेको छ।
चितवनबाट कीर्तिपुरस्थित त्रिवि क्रिकेट मैदानसम्म यात्रा गर्न चाहने दर्शकहरूका लागि यो सेवा प्रदान गरिनेछ। चितवन मेडिकल कलेजबाट सुरु भएर त्रिवि मैदानसम्म आउजाउ गर्नका लागि दैनिक पाँचवटा बसको व्यवस्था गरिएको छ।
यात्रा गर्न चाहने दर्शकहरूले खेलको टिकट अनिवार्य रूपमा खरिद गर्नुपर्ने व्यवस्था गरिएको टोलीले जनाएको छ।
चितवन राइनोजले आफ्नो पहिलो खेल मंसिर १७ मा काठमाडौं गोर्खाजविरुद्ध खेल्ने तालिका रहेको छ।
उक्त टोलीको स्वामित्व चितवन मेडिकल कलेजसँग सम्बन्धित रहेको छ।
