काठमाडौँ : – क्यानले सोमबार सिद्धार्थ बैंक नेपाल प्रिमियर लिग(एनपिएल) को खेल तालिका सार्वजनिक गरेको छ।
एनपिएलको उद्घाटन खेल विराटनगर किङ्गस र जनकपुर बोल्ट्सबीच हुनेछ।
खेल तालिकाअनुसार उद्घाटन खेल मङ्सिर १५ गते शनिबारको दिन मध्यान्ह १२ : १५ मा सुरु हुनेछ।
मंसिर १५ गते सुरु एनपिएलको भोलिपल्ट मङ्सिर १६ गते उपनिर्वाचनको कारण खेल हुनेछैन।
मङ्सिर १७ गतेदेखि मङ्सिर ३० गतेसम्म हरेक दिन समूह चरणका दुई खेल हुनेछन्। यसका साथै समूह चरणको अन्तिम खेल पुष १ गते सुदुरपश्चिम रोयल्स र कर्णाली याक्सबीच हुनेछ।
प्लेअफ्स एलिमिनेटर र पहिलो क्वालिफायरको खेल पुस ३ गते हुनेछ। एलिमिनेटरको खेल बिहान ९ : १५ बाट सुरु हुनेछ भने पहिलो क्वालिफायरको खेल दिउँसो १ : १५ बाट सुरु हुनेछ। एलिमिनेटरमा लिग टेबलको तेश्रो र चौथौ हुने टोलीबीच भीडन्त हुनेछ भने पहिलो क्वालिफायरमा लिग टेबलको पहिलो र दोश्रो हुने टोलीबीच प्रतिस्पर्धा हुनेछ।
दोश्रो क्वालिफायरको खेल पुस ४ गते हुनेछ। दोश्रो क्वालिफायरमा पहिलो क्वालिफायरमा पराजित टिम र एलिमिनेटरको विजेता टिमबीच प्रतिस्पर्धा हुनेछ।
पहिलो क्वालिफायरको विजेता र दोश्रो क्वालिफायरको विजेता टोली सिद्धार्थ बैंक एनपिएल उपाधीका लागि पुस ६ गते भिड्न मैदानमा उत्रिनेछन्।
