काठमाडौँ : – आइसिसी विश्वकप लिग–२ सिरिज अन्तर्गत दोस्रो चरणको खेलमा नेपालले आज सोमबार राति ८ : ४५ बजेबाट क्यानडासँग प्रतिस्पर्धा गर्दैछ।
क्यानडाको किङ्ग सिटीस्थित मेपल लिफ क्रिकेट स्टेडियम(Maple Leaf Cricket Ground)मा नेपाली समय अनुसार साँझ ८ :४५ बजेबाट सुरु हुने खेलमा नेपालले टस जितेर बलिङ रोजेको छ।
नेपाल, क्यानडा र ओमान सम्मिलित एक दिवसीय त्रिकोणात्मक सिरिजमा नेपालले आज सोमबार भदौ ३१ गते क्यानडासँग खेल्नेछ। त्यसपछि लिग–२ तालिका अनुसार नेपालले असोज २ गते ओमान, असोज ६ गते क्यानडा र असोज ८ गते ओमानसँग खेल्नेछ।
नेपाल र क्यानडाबीच ओडिआईमा हालसम्म तीनपटक भेट भएको थियो र ती तीनै खेल नेपालले जितेको थियो।
नेपालको प्लेइङ ११ :
कुशल भुर्तेल, आसिफ शेख, भीम सार्की, रोहित पौडेल(कप्तान), दीपेन्द्रसिंह ऐरी, कुशल मल्ल, गुलसन झा, सोमपाल कामी, करण केसी, सन्दीप लामिछाने र ललितनारायण राजवंशी।
बेञ्चमा : आरिफ शेख , अनिल शाह , रिजन ढकाल , अर्जुन साउद।
